Այս ձևաչափով սա մեր վերջին հանդիպումը կլինի, միասին կհանդիպենք այլ վայրում, այլ միջավայրում. Բագրատ Սրբազան

«Կլինեն 2026-ին ընտրությունները, բայց  առանց այս չարիք իշխանության մասնակցությամբ։ Պետք է այդպես լինի»,-ամենշաբաթյա ուղերձում ասաց «Սրբազան պայքար» շարժման առաջնորդ Բագրատ արքեպիսկոպոս Գալստանյանը։

Սրբազանը նշեց. «Մենք այս ժամանակահատվածում հարյուրավոր, հազարավոր հայրենակիցների ենք հանդիպել, խոսել նրանց հետ։ Խոսակցությունները միտված են եղել միայն ու միայն մեր տունը, պատիվը վերականգնելուն»։

Բագրատ Սրբազանն ասաց, որ թերևս այս ձևաչափով սա մեր վերջին հանդիպումը կլինի. «Միասին կհանդիպենք այլ վայրում, այլ միջավայրում»։ 

Նա համոզված է, որ հասնելու ենք հաղթանակի, որը միայն ու միայն մեր երկրի ազատագրումն է, անվան ու պատվի վերականգնումը։ «Մեր հաղթանակով մենք արժանորեն կկարողանանք հայացքներս պարզ, սրտներս բաց խոսել ոչ միայն մեր ներկայի, նաև պատմության, գալիքի հետ»։ 
Աղբյուրը` Panorama.am