Փաշինյանն ու ԱՄՆ դեսպանատունը հավանությո՞ւն են տալիս Նոր Նորքի թաղապետարանում ակտիվիստի ծեծին

Քաղաքագետ Բենիամին Մաթևոսյանն Alpha News-ի եթերում «Վերնագիր» հեղինակային հաղորդման ընթացքում ներկայացրել է թեմայի շուրջ մասնագիտական վերլուծություն, որում մասնավորապես ասվում է.

(Կրիմինալ էիք փնտրում սխալ տեղում)

Ապրիլի 30-ին Նոր Նորքի վարչական շենքում տեղի ունեցավ միջադեպ, որում ներգրավված էին ակտիվիստ Արթուր Չախոյանը և վարչական շրջանի ղեկավար Տիգրան Տեր-Մարգարյանը։ Միջադեպի պատճառը Չախոյանի ցանկությունն էր հանդիպել շրջանի ղեկավարի հետ՝ մանկապարտեզի և խաղահրապարակի կառուցման հարցով, որոնք առաջացրել էին հասարակական արձագանք։ Վարչության աշխատակիցները փորձեցին խոչընդոտել հանդիպմանը։ Նրանցից մեկը Չախոյանին ասաց, որ նա վիրավորել է այս շենքում աշխատող բոլոր տղամարդկանց և պետք է պատասխան տա դրա համար։ Դրանից հետո սկսվեց ծեծկռտուք, որին միացավ նաև շրջանի ղեկավար Տիգրան Տեր-Մարգարյանը։ Դեպքի վայր ժամանած ոստիկանները բերման ենթարկեցին միայն Չախոյանին։

Իրավիճակն անհրաժեշտ է դիտարկել տարբեր տեսանկյուններից։ Սկսենք այն փաստից, որ «անհայտ պատճառներով» ԱՄՆ-ի և ԵՄ-ի դեսպանատները լռում են Չախոյանի դեմ կատարված վայրագության մասին։ Դրանք այն կառույցներն են, որոնք չեն կորցնում առիթը ընդգծելու, որ «աջակցում են հայկական ժողովրդավարությանը»։ ԱՄՆ-ի և ԵՄ-ի դեսպանատները չե՞ ն ցանկանում մեկնաբանել պետական հաստատությունում ուղիղ եթերում տեղի ունեցած զանգվածային բռնության դեպքը։

«Օրվա հերոս» Տիգրան Տեր-Մարգարյանը ներկայացնում է «Հանրապետություն» կուսակցությունը, որը գլխավորում է Արամ Սարգսյանը։ Սարգսյանը իրեն ներկայացնում է որպես «արևմտյան արժեքների կրող» և այն քաղաքական գործիչներից մեկը, ով «Հայաստանը տանում է դեպի քաղաքակիրթ եվրոպական երկրների ընտանիք»։ Այսօր Նոր Նորքի վարչական շենքում կարելի էր տեսնել այն «Եվրոպան», որտեղ Սարգսյանը տանում է Հայաստանը։ Սարգսյանը, ով շահարկում է իր եղբոր կերպարը, ունի հնարավորություն ցույց տալու՝ արդյոք հավատում է գոնը ինքն իր ասածներին։ Դրա համար նա պետք է Տեր-Մարգարյանին հետ կանչի վարչական շտջանի ղեկավարի պաշտոնից, ինչպես նաև հեռացնի կուսակցությունից։ Եթե Սարգսյանը դա չանի, ապա իր անգործությամբ կփաստի, որ կապ չունի այն արժեքների հետ, որոնց մասին խոսում է։

Վարդան Ղուկասյանի՝ Գյումրիի քաղաքապետ ընտրվելուց հետո իշխանական քարոզչությունը հայտարարում էր, որ Գյումրիում «վերադարձել է կրիմինալը», մինչդեռ այսօր ուղիղ եթերում բոլորն ունեին հնարավորություն տեսնելու, թե որտեղ է իրականում քրեական աշխարհը։ Ավելին՝ կրիմինալը գործում է ադրբեջանցիների սիրելի ոճով՝ երբ ամբոխը հարձակվում է մեկ մարդու վրա։
Եվ վերջում՝ ինչպես բոլորդ գիտեք, արդեն նախկին պատգամավոր, «Քաղաքացիական պայմանագիր» իշխող կուսակցության անդամ Վիլեն Գաբրիելյանը հրաժարվեց պատգամավորական մանդատից մարտի 30-ի իրադարձություններից հետո, երբ Գյումրիի ընտրություններից հետո հայտնվեց տեսախցիկների առջև ոչ սթափ վիճակում և թույլ տվեց մի շարք հայհոյանքներ ու վիրավորական արտահայտություններ լրագրողների հետ շփման ընթացքում։ Գաբրիելյանը իր մանդատից հրաժարվելու մասին գրառման մեջ նշել է, որ պատգամավորը իր առաքելության մեջ պարտավոր է խուսափել ոչ պատշաճ վարքագծից, իսկ քանի որ ինքը չի կարողացել դա անել, ապա պատասխանատվության մշակույթից ելնելով՝ պետք է հրաժարվի մանդատից։

Տիգրան Տեր-Մարգարյանը, մինչ Արթուր Չախոյանին ծեծելը, վիրավորել է նրան։ Սակայն օրը մոտենում է ավարտին, և Տեր-Մարգարյանը չի շտապում հետևել Գաբրիելյանի օրինակին և կամավոր հեռանալ զբաղեցրած պաշտոնից։ Հետևաբար առաջանում է օրինական հարց՝ արդյոք Վիլենը մանդատից հրաժարվել է այլ պատճառով, այլ ոչ թե վիրավորանքների պատճառով։ Գուցե այն պատճառով, որ բացահայտել է անձանց խմբի ծրագիրը, ըստ որի Նիկոլ Փաշինյանը 2026 թվականին պետք է կորցնի իշխանությունը։ Հիշեցնենք, որ մարտի 30-ին, հարցին՝ արդյոք պատրաստվում է հրաժարվել մանդատից իր վարքագծի պատճառով, Գաբրիելյանը հայտարարել է, որ «2026 թվականին իշխանությունը կփոխվի, ինչու՞ հիմա հրաժարվել մանդատից»։

Կրկին հարցնենք՝ արդյոք հնարավոր է, որ Գաբրիելյանը հրաժարվել է մանդատից, քանի որ բացահայտել է ծրագիրը, ըստ որի Նիկոլ Փաշինյանը 2026 թվականին պետք է կորցնի իշխանությունը։
Կորցնի, թե՞ վերադարձնի։

Մտածե՛ք այդ մասին․․․»: