ՉԼ կիսաեզրափակիչ. «Բարսելոնա»-«Ինտեր»՝ 3:3. մեր Հենրիխ Մխիթարյանի գոլը VAR-ով չհաշվեցին

Չեմպիոնների լիգայի կիսաեզրափակիչի առաջին խաղում Իսպանիայի փոխչեմպիոն «Բարսելոնան» հանդիպեց Իտալիայի չեմպիոն Միլանի «Ինտերին»։ Հանդիպումն ավարտվեց ոչ ոքի՝ 3:3:

Հայաստանի ազգային հավաքականի նախկին ավագ Հենրիխ Մխիթարյանը մասնակցեց ամբողջ հանդիպմանը, իսկ 75-րդ րոպեին  գրավեց «Բարսելոնայի»  դարպասը, սակայն VAR-ով որոշվեց, թե խաղից դուրս վիճակ էր, Մխիթարյանի խաղակոշիկի ծայրը մի քանի սանտիմետր առաջ էր: 

Պատասխան հանդիպումը տեղի կունենա մայիսի 6-ին։
--
«Շատ զայրույթ և տխրություն կա, որ գոլը չարձանագրվեց, բայց ես հպարտ եմ իմ թիմակիցներով, որոնք հիանալի խաղ ցուցադրեցին։ Սա ֆուտբոլ է, բայց մենք հույս ունենք չկրկնել այս սխալները «Սան Սիրոյում» և հաղթել»,-խաղից հետո լրագրողների հետ զրույցում նշել է Հենրիխ Մխիթարյանը:
Նա նաև նկատել է. ««Խելահեղ խաղ էր։ Հիանալի էր դիտել, բայց շատ դժվար էր գործել։ Մենք արեցինք այն ամենը, ինչ կարող էինք։ Կարծում եմ՝ կարող էինք ավելի լավ խաղալ։ «Բարսելոնան» մեծ ճնշում գործադրեց մեզ վրա։ Նրանք շատ լավ էին վերահսկում գնդակը»:
Ամեն ինչ կորոշվի 6 օրից, Միլանում: