Նելլի Դուրյան. 2017-ին նվազել է սեռական, ընտանեկան բռնության ենթարկված անչափահասների թիվը (Տեսանյութ)

Երեխաների նկատմամբ բռնության դեպքերը 2017թ.  նվազել են. գրանցվել է 190 դեպք (197 դեպք  - 2016թ.), որից 13-ընտանեկան բռնության դեպքեր են եղել:  Այս մասին այսօր` հունվարի 26-ին, լրագրողների հետ զրույցում ասաց ՀՀ ոստիկանության քրեական հետախուզության գլխավոր վարչության 3-րդ վարչության պետ, ոստիկանության գնդապետ Նելլի Դուրյանը: 

Նելլի Դուրյանի խոսքով, 2017թ նվազել են անչափահասների մասնակցությամբ ծանր հանցագործությունների դեպքերը. սպանության, անզգույշ սպանության դեպքեր 2017-ին չեն գրանցվել: Նվազել են նաեւ ծանր մարմնական վնասվածքների դեպքերը` գրանցվել է 10 դեպք:

2017թ. ավելացել են անչափահասների մասնակցությամբ խուլիգանության դեպքերը` 2016թ. 1 դեպք է եղել, այս տարի` 4:

Նելլի Դուրյանի խոսքով, անօրինական զենք կրելու դեպքերը 2017թ. եղել են 20-ը, անչափահասները հիմնականում կրել են կռփազենք, որը համարվում է սառը զենք:

2017թ նվազել է նաեւ հանցագործություն կատարած անչափահաս իգական սեռի ներկայացուցիչների թիվը` 28 դեպք` նախկին 34-ի փոխարեն:

Մանրամասները՝ Zham.am-ի տեսանյութում: 

Zham.am