Բարբարոսություն. չէ՛, մասիվներում տոռնադո չի եղել, ուղղակի քաղաքապետարանը որոշել է հենապատ կառուցել. Էդուարդ Հայրումյան

«Չէ՛, մասիվներում տոռնադո չի եղել, ուղղակի Երևանի քաղաքապետարանը, մասնավորապես Նոր Նորք վարչական շրջանը որոշել է հենապատ կառուցել Գայի պողոտայի 9, 11 և 13 շենքերի կողքի լանջին»,-ֆեյսբուքյան իր էջում լուսանկարներ է հրապարակել ու գրել ակտիվիստ Էդուարդ Հայրումյանը։

Նա մանրամասնում է. «Էս լանջը 60 տարուց ավել է կա ու միշտ (թե՛ Խրյուշչովի, թե՛ Բրեժնևի, թե նախկիինների և թե՛ ներկաների ժամանակ) եղել է խնամված և կանաչապատ։ ՈՒ մեկ էլ մի օր, մի շատ խելացի մարդ որոշում ա, որ պետք ա ծառերը փրթել ու հենապատ կառուցել։

«Բարեկարգման» նախագիծով էլ հենապատը հենց ծառերի վրով ա գնում։

Փոքր ծառերն արդեն իսկ հատվել են կամ տրակտրով արմատախիլ արվել (տե՛ս լուսանկարներում), իսկ մեծերի համար դիմել են, որ կանաչապատում հիմնարկից գան հատեն կամ թույլտվություն տան։

Իսկ քանդման ընթացքում հեռու գտնվող ծառերին հասցվող վնասին արդեն չեն էլ ուշադրություն դարձնում։

Բոլոր նկարներն արել եմ այսօր։

Տարածք գնացել եմ այն բանից հետո, երբ Նոր Նորքի պաշտոնական էջով տեսել եմ «բարեկարգման» մասին գրառումը»։

Տեղին է հավելել՝ «այստեղով Ավինյանենք են անցել...»: Առհասարակ, այս իշխանությունն առանձնահատուկ ատելություն ունի ծառերի նկատմամբ, երևի փոքր տարիքում ծառերից տուժել են, ինչն իրենց ներաշխարհում հոգեբանական խորը վնասվածք է առաջացրել: