Այսքան ժամանակ լռել եմ, բայց էլ չեմ լռելու, որովհետև դուք մեր ֆուտբոլը քանդում եք. Արաս Օզբիլիս (Տեսանյութ)

Հայաստանի ազգային հավաքականի նախկին ֆուտբոլիստ Արաս Օզբիլիսը Հայաստանի ֆուտբոլի ֆեդերացիային մեղադրում է «հայկական ֆուտբոլը քանդելու մեջ»։

Տեսաուղերձում Օզբիսլիսը  հիշեցնում է, որ  2023 թ. դեկտեմբեի 23-ին նա իր թեկնածությունն էր դրել Հայաստանի ֆուտբոլի ֆեդերացիայի նախագահի ընտրություններում, թեև վստահ էր, որ որևէ շանս չունի։

«Այսքան ժամանակ լռել եմ, լռել եմ ու լռել, բայց էլ չեմ լռելու, որովհետև դուք մեր ֆուտբոլը քանդում եք։ Ընտրությունների ժամանակ ինձ ասել էին, որ մենեջերի փորձ չունեմ, բայց այս ընթացքում դուք ամեն անգամ «պռավալ» եք տալիս։ Որ դուք ֆուտբոլից ու ֆուտբոլի խաղից չեք հասկանում, դա բոլորին էլ պարզ է, բայց դուք մենեջերի հմտություններին էլ չեք տիրապետում։ Դուք ձախողել եք կառավարման, կազմակերպչական, ֆինանսական, իրավական մասերով։ Ամենավատն այն է, որ հույսն ու հավատը մարում է»,-տեսաուղերձում ասել է ֆուտբոլիստը։

Հավաքականի նախկին ֆուտբոլիստն ասում է, որ ֆուտբոլում կարող ես հաղթել և պարտվել, բայց վրացական կողմի հետ խաղերում գրանցված պարտություններն արդյունքն են այն ամենի, ինչ արդեն երկար ժամանակ կատարվում է հայկական ֆուտբոլում: Օզբիլիսը վստահ է` ժամանակն է գիտակցելու ու փոփոխություններ անելու։
Աղբյուր՝ Aysor.am
Տեսանյութը՝ հղումով
https://www.facebook.com/aras.ozbiliz?ref=embed_video