«Որ վաղը նիկոլը որոշի Գյումրին էլ հանձնել, ի՞նչ ես անելու». քաղաքացիները հարցակոխ են անում Գյումրու քաղաքապետի թեկնածու Սարիկ Մինասյանին

Գյումրիում մարտի 30-ին կայանալիք ավագանու արտահերթ ընտրություններում «Քաղաքացիական պայմանագիր» խմբակցության ցուցակը գլխավորող, այսինքն ՔՊ-ի քաղաքապետի թեկնածու Սարիկ Մինասյանը անոնսել է, որ այսօր ժամը 20:00-ին ուղիղ եթերում կպատասխանի հարցերի, որոնք նա կստանա իր ֆեյսբուքյան էջով։ 

Արդեն տասնյակ քաղաքացիներ գրել են իրենց հարցերը։ Դրանք հիմնականում սոցիալական, կենցաղային բնույթի են, ինչպես նաև կան քաղաքական հարցեր, որոնք վերաբերում են նրա թիմի ու թիմի ղեկավար Նիկոլ Փաշինյանի կողմից վարված ու վարվող քաղաքականությունը։

«նիկոլը Արցախը Ձեր չկռվելու պատճառով հանձնե՞ց։

Դուք էլ դեմ չեք Ձեր ահազանգած «եղբայրասպանությանը», դրա համար եք խմբագրե՞լ Ձեր 2021-ի գրառումը»։

«Իր իշխանավարության օրոք բոլոր աճերից ամենաշատը գերեզմանների ավելացում արձանագրած ՔՊ-ն ավերը շարունակելու հայտ է ներկայացնում։

Հարց.

Նախընտրական խոստումներից որևէ մեկը չկատարած (հակառակ տրամաբանությամբ կատարած), Արցախը հանձնած, Հայաստանի ինքնիշխան տարածքները GPS-ով փոքրացրած քաղաքական ուժը ի՞նչ նպատակով է ցանկանում Գյումրիում գալ իշխանության»։

«Հարց առաջին։

Որպես Գյումրու բնակիչ Ձեզ վատ չեք զգում ընդդիմադիր թեկնածուների հանդեպ բռնաճնշումներից Ձեր թիմակիցների կողմից / Ռուբեն Մխիթարյան, Վարդան Ղուկասյան, Մարտուն Գրիգորյան/ քննչականով, դատախազությունից, ոստիկաններով վախեցնելով ինչի եք հասնելու?

Հարց երկրորդ. Պարոն Մինասյան Արցախը հայկակա՞ն է, թե՞ ադրբեջանական խնդրում եմ հստակ պատասխանեք

Հարց երրորդ. հարգելի պարոն Մինասյան Ձեր գլխավորությամբ համայնքապետարանի աշխատակիցները խճապատում են փողոցները և լուսավորություն տեղադրում այս շրջանում, արդյոք դա ընտրակաշառք է, թե ոչ։ Այդ քայլերով դուք մարդկանցից ձայն ակնկալում եք, որ Ձեզ ընտրեն քանի որ խճապատել եք կամ լուսավորել ինչ որ փողոց։

Հարց չորրորդ. Պարոն Մինասյան ջան Ձեզ վատ չեք զգում, որ անդամակցում եք մի կուսակցության, որը հայրենիք նվիրեց թշնամուն, ունենք գերիներ և չի կարող հետ վերադարձնել, թշնամու պարտադրմամբ սահմանադրություն է պատրաստվում փոխել?

Հույսով եմ իմ հարցերի պատասխանները կհնչեն և չի ջնջվի ոչ ցանկալի հարցերը շնորհակալ եմ»։

«Եթե ընտրվեք քաղաքապետ, սակայն մաքսիմում 26 թվին քպ ն չընտրվի՝ պատրաստ էք մեկ այլ քաղաքական ուժի հետ համագործակցել?

Ձեր քաղաքապետ ընտրվելուց հետո եթե Գյումրիում անվստահության ցույցեր լինեն առ քպ՝ կխոչընդոտե՞ք, թե՞ կլինեք Գյումրեցու կողքին»։

«Ինչպե՞ս էիք Ձեզ զգում դիտելիս այն տեսանյութը, երբ ոստիկանները Եռաբլուրում քաշ էին տալիս որդեկորույս ծնողներին և անարգում նրանց հիշատակը, երկրորդ, որպես Փաշինյանի թիմակից, չե՞ք պատրաստվում ներողություն խնդրել լուսահոգի Սոնա Մնացականյանի ընտանիքից` իր ավտոշարասյան կողմից հղի կնոջը վրաերթի ենթարկելու համար: Եվ երրորդ, ինչպես ե՞ք վերաբերում այն փաստին, որ Հայաստանի ազգային ժողովի նախագահը կարող է հրամայել թիկնազորին բռնել հայ մարդու ձեռքերից և թքել նրա վրա, այնուհետև շարունակել պաշտոնավարել»։

«Արդյոք Դուք էլ ե՞ք հանդիսանում «իրական Հայաստանի» գաղափարախոս, որտեղ է Ձեզ համար սկսվում և ավարտվում Հայաստանը»։

«Արդյո՞ք որպես ՔՊ-ի առաջին համար կիսում եք քպ-ականների հետ ողջ պատասխանատվությունը պատերազմի, պատերազմի հետևանքների, և հետպատերազմյան ողջ արհավիրքների ու դիվանագիտական ֆիասկոների համար, որոնք պատճառվել են Հայաստանին և հայ ժողովրդին, արդյո՞ք հայ ժողովրդից չեք պատրաստվում ներողություն խնդրել Ձեր թիմի գործունեության համար»։

«Որ վաղը նիկոլը որոշի Գյումրին էլ հանձնել(դրանից հեռու չի), ի՞նչ ես անելու»։

«Երևան քաղաքի շների ստերջացման համար պատասխանատու ՀՈԱԿ-ի աշխատակիցները ինչ հիմքով են աշխատանք իրականացնում Գյումրիում 2. ինչու են Գյումրիի շների ականջներին, ըստ տեղեկությունների, Երևան քաղաքի տարբերանշաններ 3. Ինչու է շների հավաքման աշխատանքները իրականացնում վրացական պետհամարանիշներով կասկածելի մեքենա 4. ինչ փաստաթղթերի հիման վրա է Երևանի քաղաքապետարանը ռեսուրսներով օգնում Ձեզ, եթե դա նախատեսված չէ քաղաքի բյուջեով»։

«Գյումրու սոց ծառայությունը լավագույնս ղեկավարած անձը կլինի լավագույնը նաև քաղաքի ղեկավարման մեջ»։

«Զարմանու եմ թե ձեզ ոնց ձայն կտան»։

«Գյումրիում ունենք թեքահարթակների խնդիրներ,որը դժվարություն է պաճառում հաշմանդամ երեխաներ ունեցողներին։Արդյոք կլուծվի այդ հարցը»։

«Փողոցային առևտրի հետ կապված լուծում ունեք»։
Աղբյուրը` Panorama.am