Կիսախարխուլ գազելները ոչ միայն վտանգավոր են մարդկանց կյանքի համար, այլ դրանցով երթևեկելը խիստ անհարմար է

Տրանսպորտի ոլորտում լուրջ փոփոխությունների անհրաժեշտություն վաղուց կար, կիսախարխուլ գազելները ոչ միայն վտանգավոր են մարդկանց կյանքի համար, այլ դրանցով երթևեկելը խիստ անհարմար է։ Խոսքս միայն Երևան քաղաքի մասին չէ։ Հայաստանում կան համայնքներ, որտեղ տրանսպորտ ընդհանրապես չի աշխատում, քանզի մրցույթ շահող չկա, այն տնտեսապես շահավետ չէ։ Ստացվում է, որ խաղի ներկա կանոններով փոքր գյուղերի բնակիչները զրկված են տրանսպորտից, իսկ փոփոխությունները, որոնց մի թեթև ծանոթ եմ, հնարավորություն կտան ամբողջ Հայաստանը կապելու մեկ ցանցով։

Ինչ վերաբերում է Երևանին, ապա ցանցն արդիականացնելու ծրագիրը հաստատ ավելի լավը կլինի, քան կա այսօր, ոչ մի մեծ քաղաքում երթուղայինը փոքր թաղամասեր չի մտնում, այլ անցնում է հիմնական փողոցներով ու միայն այդպես կարելի է կանոնակարգել տրանսպորտի աշխատանքը։ Գիշերը կպակասեն, շարժակազմերը՝ ևս, բայց կլինեն հստակ ժամեր ու քաղաքակիրթ ուղևորափոխադրում։ Թե չէ ամբողջ երկիրն էժան մեքենաներ են ու տաքսիներ, այլ տարբերակ չկար՝ վատ տրանսպորտային ցանցը ստիպում էր մարդկանց մեքենա գնել կամ օգտվել տաքսի ծառայություններից։

Զոհրապ Եգանյանի ֆեյսբուքյան էջից