Այս օրերին նույնիսկ բնությունն է ընդդիմացել Փաշինյնին ու Ավինյանին

Ըստ Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանի՝ «... Երևանում 10 ժամվա ընթացքում տեղացել է 15 մմ ինտենսիվ ձյուն, ինչը հավասար է կես ամսվա նորմային...»:

Այն, որ կես օրվա ընթացքում տեղացել է կես ամսվա ձյունը, թույլ չի տալիս արդարանալ իշխանություններին, որ «իրենք չեն մեղավորը, որ ձմռանը առատ ձյուն է եկել, և այդ իսկ պատճատով են խափանվել իրենց աշխատանքները»:

Տպավորությունն այնպիսին է, որ Հայաստանում նման եղանակային պայմանները առաջին անգամ են գրանցվել: Սակայն դա չի համապատասխանում իրականությանը: Եղել են ավելի վատ եղանակային պայմաններ, սակայն  քաղաքն ավելի բարվոք վիճակում է եղել:

Պարզապես ձմեռվա կապրիզը մեկ անգամ բացահայտեց Փաշինյանի և Ավելինյանի կառավարման հմտությունների սնանկ լինելը:

Բավարար է դիտարկել երևանյան փողոցները, և իրականությունը բոլորին տեսանելի կլինի:

Եվ դա այն դեպքում, երբ իշխանությունները մի քանի օր առաջ գիտեին եղանակային պայմանների այս փոփոխությունների մասին:

Սրանք, բացի էժանագին շոուներ կազմակերպելուց, այլ իրական գործերի ունակ չեն:

Դա է ցույց տվել սրանց արդեն յոթ տարվա կառավարման փորձը:

Սա է իրականությունը:

Դավիթ Մկրտչյան
Zham.am