Թրամփն առաջարկում է Զելենսկուն ապաստան գտնել Ֆրանսիայում. Որտե՞ղ է ապաստան գտնելու Փաշինյանը

Աշխարում բոլոր զարգացումները սկսել են շատ արագ ընթանալ: ԱՄՆ-ի ֆինանսների նախարարը, որ եկել էր Կիև՝ Զելենսկու հետ հանդիպման համար, սակայն արհամարհանքի էր արժանացել ուկրաինական իշխանության կողմից: Դա անչափ զայրացրել էր Թրամփին:

Վերջինս այդ միջադեպի պատճառով նշել էր, թե Զելենսկու վարկանիշը տատանվում է 4 տոկոսի սահմաններում, ինչին պատասխանել էր Զելենսկին, թե իր վարկանիշը 57 տոկոս է, իսկ Թրամփը ապրում է ապատեղակատվության միջավայրում:

Զելենսկու կոպիտ գնահատականներից հետո, Թրամփի վարչակազմի ներկայացուցիչները սկսեցին հերթով վիրավորել Ուկրաինայի ղեկավարին:

Բանը հասավ նրան, որ Թրամփը նրան անվանեց  «չկայացած խեղկատակ-բռնատեր», իսկ փոխնախագահ Վենսն ու մյուս ամերիկյան գործիչները զգուշացրեցին Զելենսկուն, որ վերջինս կրակի հետ է խաղում:

Վենսն ընդանրապես հայտարարեց, որ «...առանց ԱՄՆ-ի, ո՛չ Ուկրաինան, ո՛չ էլ Զելենսկին գոյություն չէին ունենա...»:

Եվ ահա, ըստ Թրամփի շրջապատի տեղակատվության, ամերիկյան կողմը առաջարկել է Զելենսկուն հեռանալ Ուկրաինայից և ապաստան գտնել Ֆրանսիայում, քանի դեռ այնտեղ նախագահում է Մակրոնը:

Ըստ Թրամփի շրջապատի, Զելենսկին այսօր դարձել է ամենամեծ խոչընդոտը ռուս-ուկրաինական պատերազմը կանգնեցնելու հարցում:

Զելենսկու ընդդիմախոսները նույնիսկ պնդում են, որ կայացվել է ոչ պաշտոնական համաձայնություն. Ուկրաինայում ընտրությունները անցկացնել այս տարվա հոկտեմբեր ամսին: Իսկ մինչ այդ, նույն աղբյուրի համաձայն, ռուսական կողմը համաձայնվել է կրակը դադարեցնել, որպեսզի հնարավոր լինի այդ ընտրությունը:

Ճիշտ է, Զելենսկին փորձեց օգնություն խնդրել Էրդողանից, սակայն վերջինս ռիսկ չարեց հակադրվել Պուտինին և Թրամփին:

Ի դեպ, կա կարծիք, որ Էրդողանի հետ գերտերությունների ներկայացուցիչները փոխզիջման են գնացել Սիրիայի քրդերի հարցում:

Ինչքանով է դա համապատասխանում իրականությանը, հայտնի կդառնա մոտ ժամանակներս:

Ինչ վերաբերվում է Նիկոլ Փաշինյանին, ապա այս հարցում գերտերությունների ներկուլիսային բանակցային գործնթացը դեռ շարունակվում է:

Խնդիրը այն է, թե ումով պիտի փոխարինվի Փաշինյանը:

Ինչ վերաբերվում է Ադրբեջանին և Իլհամ Ալիևին, ապա վերջինս փորձում է նոր իսրայելամետ առաջարկներով հանդես գալ, որպեսզի ստանա Թրամփի կողմից դրական վերաբերմունք իր հանդեպ:

Այլ ուղղությունների մասով քննարկումների ընթացքը կներկայացնենք մեր մյուս վերլուծություններում:

Արտակ Հակոբյան
Zham.am