Ու՞մ կնտրի Սերժ Սարգսյանը ՀՀ նախագահի պաշտոնում Էդվարդ Նալբանդյանին, թե Արմեն Սարգսյանին

16 Հունվար, 2018 11:57

Դիտել նաև

«Նիկոլ Փաշինյանը շարունակում է չարաշահել վարչական ռեսուրսը». Ոսկան Սարգսյան «8 տարի շարունակ ստի, խաբեության, «հոպոպի փոշի» են լցնում մարդկանց գլխին»․ Ոսկան Սարգսյան «Հունիսի 7-ին ձեզ քվե տվողները քվե են տալու Իլհամ Ալիևին». Ոսկան Սարգսյան Վազգեն Սարգսյանի հայրենի գյուղի կենտրոնից հեռացնելու են արձանը «Իրանը ցույց տվեց, թե ինչպես են պաշտպանում հայրենիքը»․ Ոսկան Սարգսյան

Երեկ ՀՀԿ խմբակցության ղեկավար Վահրամ Բաղդասարյանը լրագրողների հետ զրույցում նշեց , որ մարտի 2-ին ԱԺ-ն կնտրի նոր ՀՀ նախագահ, ով պետք է լինի հեղինակավոր անձ և ազդեցություն ունենա Սփյուռքում ու արտերկրում, ու չլինի միաժամանակ կուսակցական: Բաղդասարյանի այս հայտարարությունից հետո մամուլի ներկայացուցիչները շատ արագ կազմեցին ապագա ՀՀ նախագահի յուրօրինակ ֆոտոռոբոտը: Արդյունքում ստացվեց, որ այս պաշտոնին կարող է ընտրվել , կամ ներկայիս արտգործ նախարար Էդվարդ Նալբանդյանը, կամ էլ Մեծ Բրիտանիայում Հայաստանի դեսպան Արմեն Սարգսյանը: Ում է արդեն ընտրել Սերժ Սարդսյանը դեռ պարզ չէ, սակայն ակնհայտ է որ ներկայիս իր կադրային բանկում այս երկուսն են հավանական թեքնածուները:Փորձենք հասկանալ նրանց թերություններն ու առավելությունները:

Էդվարդ Նալբանդյան

Նալբանդյանը գործող նախագահի համար իդեալական թեքնածու է: Նա երբև է որև է կուսակցության անդամ չի եղել: Ներքաղաքական և ներիշխանական հարաբերություններում երբեք խառնված չի եղել, մեծ ամբիցիաներ երբեք չի ունեցել: Բացի այդ Նալբանդյանը Մոսկվայի համար վստահելի գործիչ է և այդ որոշումը պետք է դրական ընկալվի Մոսկվայում, մանավանդ, որ արդեն նշվում է , որ ապագա ՀՀ նախագահն շարունակելու է ակտիվորեն զբաղվել երկրի արտաքին քաղաքականությամբ: Մոսկվային միակ անհանգստացնողը կարող է լինել այն թե ո՞վ է զբաղեցնելու արտգործնախարարի պաշտոնը Նալբանդյանից հետո: Ռուսաստանի ու ԱՄՆ-ի միջև շարունակվող լարված հարաբերությունների պարագայում Մոսկվայի համար ցանկացած դետալ իսկ կարևոր է դառնում:

Այսպիսով արձանագրենք, որ այս թեքնածությունը ամենա հավանականն է տվյալ պարագայում:

Արմեն Սարգսյան

Արմեն Սարգսյանի թեքնածությունը ակտուալ է եթե գործող նախագահն բավարարված չէ այսօրվա դասավորությամբ և ուզում է խաղի մեջ մտցնել նոր գործոն: Քանզի ի տարբերություն Նալբանդյանի Արմեն Սարգսյանը պոտենցիալ լուրջ խաղացող կարող է դառնալ ապագայում:

Նախ նա մեծահարուստ է, ինչը լուրջ գործոն է ներկայիս Հայաստանում: Երկրորդը նա մեծ ազդեցություն ունի դրսում, ակտիվ կապի ողակի դեր է կատարել Ղազախստանի և դրսի իր գործնկերների հետ: Իրեն ճանաչում են նաև Սփյուռքում: Վերջապես նրա նախագահ դառնալը կարող է դրական ընկալվել նաև Արևմութքում: Այս ամենին գումարած, Ծառուկյանի թիմից ու Տաշիրներից բացի գործող նախագահը այս քայլով նոր խաղացող կմտցնի վերադասավորելով ներկայիս ներիշխանական ու ներօլիգարխիկ ողջ սպեկտրը:

Ինչ ընտրություն կկատարի Սերժ Սարգսյանը , պարզ կդառնա մոտ օրերս, որից էլ կարելի կլինի հետևություն անել դործող նախագահի հետագա ծրագրերի վերաբերյալ:

Հակոբ Կարապետյան