Ունենալու ենք աղքատության էլ ավելի վատ պատկեր, եթե այսպես շարունակվի.Վարդան Արամյան

Ֆինանսների նախկին նախարար Վարդան Արամյանը «5-րդ ալիքի» «Օրագիր» ծրագրին տված հարցազրույցում հռետորական հարցադրում է արել՝ ինչու՞ Ալիեւը 2018թ-ից առաջ նման լկտի պահվածք չէր դրսեւորում:

Հարցազրույցի հիմնական թեզերն ու շեշտադրումները.

Երբ տեսնում ես՝ քո վճարած հարկերով վարչապետի տիկինը գնում է Վատիկան, պտտվում է զորքով, նրա ավտոմեքենան թանկարժեք է, հարկ վճարելու դժկամություն է առաջանում:
Գույքահարկի գաղափարը դասական առումով արդարացի հարկ է, բայց սեփականության իրավունքը պետք է պաշտպանված լինի:
Ոստիկանը չպետք է ավելին ստանա, քան բանակի սպան:
Եթե ֆինանսների նախարարությունը նույնիսկ սուպերմեն լինի, արդյունք չի լինելու, եթե մյուս թեւերը ճիշտ չեն աշխատում:
Արտոնյալ կանոնները խեղող իրավիճակ են ստեղծում:
2018 թվականից այս կողմ միջին եւ միջինից ցածր եկամուտով մարդիկ ավելի վատ են ապրում:
Համաշխարհային վերլուծություններ կան այն մասին, թե փողոցային հեղափոխություններից հետո ինչ սպասումներ են առաջանում եւ մարդկ ինչ ծուղակի մեջ են ընկնում:
Բարդ տարի է լինելու, դժվար է լինելու խոցել այն թիրախները, որոնք դրված են բյուջեի հիմքում:
Ցուցանիշների մեջ վիճակագրական աղմուկ կա, նայե՛ք ներդրումները, արդյունաբերությունը...
Եթե այսպես շարունակվի, ունենալու ենք աղքատության էլ ավելի վատ պատկեր:
Խնդիրը թողնվեց միայն ԿԲ-ի վրա, որը նախապատվությունը տվեց գնաճին:
Պարտքի սպասարկման ցուցանիշը արդեն ավել է բյուջեի ծախսերի 10-ը տոկոսից:
Ներդրողները գրագետ մարդիկ են, նրանք տեսնում են՝ անվտանգության մասով խնդիր ունենք, քաղաքական կայունություն չկա: