Արցախի աղետի «քավոր» Մակրոնը հիշեցրել է «Ռուսաստանի աջակցությունն Ադրբեջանին՝ չնայած Հայաստանի հետ դաշինքին»

Ֆրանսիայի նախագահ Էմանուել Մակրոնը հիշեցրել է Ռուսաստանի աջակցության մասին Ադրբեջանին՝ չնայած Հայաստանի հետ նրա դաշինքին։ Այս մասին հաղորդում է News.am-ը

«Ռուսաստանը, հանկարծակի դավաճանելով իր դաշինքը, աջակցեց Ադրբեջանի գործողություններին Հայաստանի նկատմամբ, քանի որ առաջին անգամ ունեցավ խիզախ վարչապետ, ով դեմ էր նրան (Ռուսաստանին)», - ասել է Մակրոնը Ելիսեյան պալատում օտարերկրյա դեսպանների հետ հանդիպման ժամանակ։

 Նա նշել է, որ վերջին ամիսներին Ֆրանսիան ինքը ենթարկվել է Ադրբեջանի անընդունելի միջամտությանն իր անդրծովյան տարածքների մեծ մասում, հատկապես Նոր Կալեդոնիայում։ «Ադրբեջանը ցանկանում էր հարթել սեփական թյուրըմբռնումները՝ կապված այն բանի հետ, որ մենք պաշտպանում ենք միջազգային իրավունքը և Հայաստանը»,- ասել է նա։

Մակրոնի ելույթից դրվագներով տեսանյութ է հրապարակել ՀՀ-ում Ֆրանսիայի դեսպան Օլիվյե Դեկոտինին։
--
Մակրոնը «մոռացել» է, մր 2022թ. հոկտեմբերի 6-ի տխրահռչակ Փաշինյան-Ալիև-Էրդողան հակաարցախյան պայմանավորվածության «քավորն» է: Իսկ «Ադրբեջանին օգնող» Ռուսաստանը, չգիտես՝ ինչո՞ւ, 2020-ի հոկտեմբերի 19-ին պատերազմական գործողությունները դադարեցնելու պայմանավորվածություն էր ձեռք բերել Ալիևի հետ, սակայն Փաշինյանը մերժել էր այն: 
Հիրավի, քաղաքական ցինիզմն ու անպատկառությունն անսահման են: