Դոնալդ Թրամփը երդմնակալությանն ընդառաջ հաղթական հանրահավաք կանցկացնի

ԱՄՆ նորընտիր նախագահ Դոնալդ Թրամփը հունվարի 19-ին հանրահավաք կանցկացնի Վաշինգտոնի Capital One Arena-ում՝ իր երդմնակալությունից անմիջապես առաջ: Դրա մասին հայտնել է CBS News-ը՝ վկայակոչելով միջոցառման ծրագրմանը ծանոթ աղբյուրները։ Capital One Arena-ում տեղավորում է մոտավորապես 20000 հանդիսատես:

«Ամերիկան կրկին մեծ կդարձնենք» հաղթական հանրահավաքը կսկսվի տեղական ժամանակով ժամը 15:00-ին՝ ըստ Թրամփի երդմնակալության կոմիտեի գրանցման հղման:

Հունվարի 20-ին նախատեսվում է Թրամփի նախագահի պաշտոնում երկրորդ ժամկետի երդման արարողությունը։ Նոյեմբերի նախագահական ընտրություններում ԱՄՆ փոխնախագահ Քամալա Հարիսի նկատմամբ տարած հաղթանակից հետո Թրամփը սկսեց կադրեր հավաքել իր երկրորդ վարչակազմի համար: