Դատախազությունը պահանջում է ԶՈւ ԳՇ նախկին պետ Արտակ Դավթյանից բռնագանձել անշարժ գույք, դրամական միջոցներ

Գլխավոր դատախազությունը պահանջում է ՀՀ զինված ուժերի գլխավոր շտաբի նախկին պետ Արտակ Դավթյանից և նրան փոխկապակցված անձանցից բռնագանձել 6 անշարժ գույք, դրամական միջոցներ։

«Հակակոռուպցիոն դատարանը 2024 թվականի դեկտեմբերի 6-ին վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը:

Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ ՀՀ զինված ուժերի գլխավոր շտաբի նախկին պետ Արտակ Դավթյանից և նրան փոխկապակցված անձանցից բռնագանձել`

. 6 անշարժ գույք, որոնց շուկայական արժեքը կազմում է ավելի քան 545 մլն 682 հազար դրամ.
.97 մլն 371 հազար դրամ»,- հայտնում են դատախազության Հանրային կապերի բաժնից:

 Աղբյուր` Panorama.am

Մեր կողմից նկատենք, որ ԶՈՒ ԳՇ նախկին պետ Արտակ Դավթյանն այն բարձրաստիճան զինվորականներից է, որ սերտորեն համագործակցել է Նիկոլ Փաշինյանի ու նրա իշխանության հետ: Հիմա էլ, երևի, այդ համագործակցության «վարձն» են ուզում գանձել: Սկզբունքորեն ու ժողովրդական բառուբանով ասած՝ Փաշինյանի հետ համագործակցած բոլոր պաշտոնյաներին էլ «հասնում է»: