Թուրքիան ուժեր է կուտակում Սիրիայի սահմանի երկայնքով. ԶԼՄ

Թուրքիան ուժեր է կուտակում Սիրիայի հետ սահմանի երկայնքով, ինչը կարող է խոսել նախապատրաստվող լայնածավալ ներխուժման մասին։ Այս մասին գրում է The Wall Street Journal-ը՝ հղում անելով ամերիկյան պաշտոնյաներին։ Նրանց պնդումներով՝ Թուրքիան և թուրքամետ կազմավորումները «ուժերն ավելացնում են Սիրիայի սահմանի երկայնքով»։

Դեկտեմբերի 8-ին Սիրիայում զինված ընդդիմության ներկայացուցիչները գրավեցին Դամասկոսի պետական ​​հեռուստաընկերությունը և եթերում հայտարարեցին, որ վերահսկողություն են հաստատել երկրի նկատմամբ։

Ռուսաստանի ԱԳՆ-ից հայտարարեցին, որ Սիրիայի նախագահ Բաշար Ասադը հակամարտության մի շարք մասնակիցների հետ բանակցելուց հետո որոշել է հրաժարվել պաշտոնից և լքել երկիրը՝ հրահանգելով իշխանությունը խաղաղ փոխանցելու գործընթաց սկսել, ընդ որում՝ Ռուսաստանը բանակցություններին չի մասնակցել: Դրանից հետո սիրիական Իդլիբ նահանգում զինված ընդդիմության կողմից ստեղծված «Փրկության կառավարության» ղեկավար Մուհամմեդ ալ-Բաշիրը հայտարարել է Սիրիայի ժամանակավոր կառավարության ղեկավարի պաշտոնում իր նշանակման մասին։ Ավելի ուշ նա հայտնել է, որ Սիրիայի ժամանակավոր կառավարությունը ձևավորվել է և գործելու է մինչև 2025 թվականի մարտը։

Աղբյուրը` arm.sputniknews.ru