Սիրիական ընդդիմությունը վերահսկում է Տարտուսը, որտեղ տեղակայված է ռուսական ռազմաբազան

Սիրիական զինված ընդդիմությունն ամբողջությամբ վերահսկում է Լաթաքիա նահանգը, որտեղ տեղակայված են ռուսական ռազմաբազաները։ Այդ մասին սիրիական այդ նահանգից հայտնել է ՏԱՍՍ-ի աղբյուրը։

Ըստ աղբյուրի՝ զինված խմբավորումները մտել են Տարտուսի և Ջեբլայի տարածք, երբ ընդդիմությունը հայտարարեց Սիրիայի նախագահ Բաշար ալ Ասադի տապալման մասին։ Աղբյուրը նաև ընդգծել է, որ ընդդիմության անդամները չեն ներխուժել Տարտուս և Խմեյմիմ ռուսական բազաներ:

«Ընդդիմությունը երեկվանից ամբողջությամբ վերահսկում է Լաթաքիա նահանգը, այդ թվում՝ Տարտուս և Ջեբլա քաղաքները, ընդդիմության զինված ուժերը չեն ներխուժել և մտադիր էլ չեն ներխուժել բնականոն գործող ռուսական ռազմաբազաների տարածք»,- ասել է նա։

Մինչ այդ ականատեսները ՏԱՍՍ-ին հայտնել էին, որ սիրիական զինված ընդդիմության անդամները մտել են Ջեբլա։ Գործակալության զրուցակցի խոսքով՝ դեկտեմբերի 8-ի կեսօրին զինյալները գտնվել են քաղաքի կենտրոնում և օդ են կրակել, սակայն ռուս զինվորականներին չեն սպառնացել։

Աղբյուր` Panorama.am