Փաշինյանըն ժողովրդին դրել է գորտի վիճակի մեջ՝ սառը ջրում եփում է. Ձյունիկ Աղաջանյան

Արտակարգ և լիազոր դեսպան Ձյունիկ Աղաջանյանը «5-րդ ալիքի» «Օրագիր» ծրագրին տված հարցազրույցում նշում է, որ փաշինյանական իշխանությունը մեզ դրել է գորտի վիճակի մեջ՝ սառը ջրում աստիճանաբար եփում է:

Հարցազրույցի հիմնական թեզերն ու շեշտադրումները. 

Արտահոսած տեղեկությունների համաձայն՝ դեռ 2022թ-ին ամերիկյան բանագնացի կողմից ջանքեր են գործադրվել, այսպես կոչված, ադրբեջանցիների վերադարձի թեզը իշխանական քարոզիչների շրջանում տարածելու համար:
Այդ թեզերը մի քանի շերտերով են կեղծիք, դա ուղիղ հավակնություն է ՀՀ հանդեպ:
Ադրբեջանցիների, այսպես կոչված, վերադարձը որեւէ պարագայում անընդունելի է, դա լինելու է դանդաղ գործող ական:
ԵՄ դիտորդներ կոչվածները հարցուփորձ են անում, թե ինչպես բնակչությունը կընդունի ադրբեջանցիներին եւ քարտեզագրում են անում:
Մեր իշխանությունները որեւէ այլընտրանքային զեկույց չէին ներկայացրել, ՄԱԿ-ի ռասսայական խտրականության դեմ կոմիտեի ձեռքի տակ միայն ադրբեջանական զեկույցն էր:
ՀՀ իշխանության ղեկին նստած անձը փորձում է արդարացնել իր անկարողությունը:
Ալիեւը մեխանիզմ է ստեղծում եւ գործարկում է պահանջում, որ հետքայլի հնարավորություն չլինի:
ԵՄ դիտորդները ՆԱՏՕ-ի նախերգանքն են այստեղ:
Փաշինյանը փորձում է հասնել նրան, որ ՀԱՊԿ-ը Հայաստանը դուրս դնի կազմակերպությունից:
Մեր Անկախության հռչակագիրը հաստատել է այն սահմանները, որոնցով ՀՀ-ն գոյություն ունի:
Մի տխրահռչակ նախագահ ունեինք, որը խոսեց 3-րդ հանրապետության վերջի եւ 4-րդ հանրապետության ծննդի մասին: