«Մայդանի» սցենարը չի կարող իրականացվել Վրաստանում. Կոբախիձե

«Երեկ բոլորը ևս մեկ անգամ համոզվեցին, որ Վրաստանում «Նացմայդան» չի կարող անցկացվել»,- կառավարության վարչակազմում հրավիրված ասուլիսում ասել է Վրաստանի վարչապետ Իրակլի Կոբախիձեն։

Իրակլի Կոբախիձեի խոսքով, երեկվա բռնարար հանրահավաքի հիմնական պատասխանատվությունը կրում են համապատասխան եվրոպացի քաղաքական գործիչներն ու բյուրոկրատները և տեղական գործակալությունը՝ հինգերորդ շարասյունը, որը ներկայացված է չորս քաղաքական կուսակցություններով:

«Արդեն երրորդ տարին է, ինչ կոնկրետ եվրոպացի քաղաքական գործիչներն ու բյուրոկրատները, որոնք չեն կարողացել հասնել Վրաստանի ուկրաինացմանը, անընդհատ փորձում են օգտագործել թեկնածուի կարգավիճակը և բանակցություններ սկսելու հարցը՝ երկիրը թուլացնելու համար, «բևեռացում» հրահրել և արհեստականորեն պառակտել հասարակությունը։

Հիշեցնենք, որ այս երեք տարիների ընթացքում նախ թեկնածուի կարգավիճակը, ապա բանակցությունների բացման թեման օգտագործվեց որպես երկրի հեղինակությունը վնասելու, հասարակությանը պառակտելու հիմնական գործիք։ Երեկվա բռնի հանրահավաքի հիմնական պատասխանատվությունը կրում են նաև համապատասխան եվրոպացի քաղաքական գործիչներն ու բյուրոկրատները և տեղական գործակալությունը՝ հինգերորդ շարասյունը, որը ներկայացված է չորս քաղաքական կուսակցությունների տեսքով: Երեկ բոլորին պարզ դարձավ, որ բոլորն ամեն ինչ շատ լավ գիտեն։ Պարզապես արմատականներն ու նրանց օտարերկրյա հովանավորները միշտ փորձում են պատրվակ հորինել՝ փորձելով խաթարել երկիրը և ուկրաինացնել Վրաստանը։ Նրանք դեռ չեն հասկացել, որ ի տարբերություն 2013 թվականի Ուկրաինայի, Վրաստանը անկախ պետություն է՝ ուժեղ ինստիտուտներով և ամենակարևորը՝ փորձառու ու իմաստուն ժողովրդով, որոնց ուժը ոչ ոք չի կարող սասանել։ «Մայդանի» սցենարը չի կարող իրականացվել Վրաստանում: Վրաստանը պետություն է, և վրացական պետությունը դա թույլ չի տա»,- 1tv.ge-ի հաղորդմամբ, ասել է Վրաստանի վարչապետը։