Աննա Հակոբյանն ասում է, թե իրեն օրհնված է զգում. սոցցանցերում ընթերցողներն «այլ կարծիքի» են

Փաշինյանի կինն իրեն օրհնված է զգում Հռոմի պապին տեսնելուց հետո։ Ֆեյսբուքյան իր էջում նա գրել է. «Երեք օրվա ընթացքում Նորին Սրբություն Ֆրանցիսկոս Պապին երկու անգամ ողջունելու և նրա մաղթանքները ստանալու հնարավորությամբ ինձ, իսկապես, օրհնված եմ զգում»:
Աննա Հակոբյանի ֆեյսբուքյան պատին, իհարկե, մեկնաբանությունները ֆիլտրվում են, և կարելի է տեսնել միայն «մեր փրկչուհի՜...»-ի կարգի կեղծավոր կամ ֆեյքային արձագանքներ: Պատկերն այլ է լրատվական կայքերի սոցցանցային էջերում, որտեղ այդ գրառման մասին լուրի տակ բազմաթիվ օգտատերեր «այլ կարծիք» են արտահայտում նրա՝ «օրհնված լինելու» վերաբերյալ: Դրանք լրատվամիջոցում անմեջբերելի արտահայտություններ են, այսպես ասենք: