Փաշինյանն Ալիևի հետ շփումից շատ գոհ է (իսկ ո՞վ էր կասկածում, որ...)
«Ես ուզում եմ գոհունակությունս հայտնել Ադրբեջանի նախագահի հետ իմ շփումների վերաբերյալ»,-ԱԺ-ում պատասխանելով Աստանայում տեղի ունեցած հանդիպումների ու դրանց ընթացքում քննարկված թեմաների մասին ՔՊ-ական դարձած Շիրակ Թորոսյանի հարցին՝ հայտարարեց ԱԺ վարչապետի պաշտոնը զբաղեցնող Նիկոլ Փաշինյանը։
Նա նշեց, որ նման երկար խոսակցություն վաղուց կամ ընդհանրապես Ալիևի հետ չէր ունեցել։
«Ընդ որում մենք զգում էինք, որ մի փոքր էլ կոռեկտության խնդիր կա, քանի որ մյուս լիդերները ելույթ էին ունենում, իսկ մենք այդ ընթացքում մտքեր էինք փոխանակում, բայց շատ կարևոր զրույց տեղի ունեցավ»,-հայտարարեց Փաշինյանը։
Նրա խոսքով, խոսակցություն եղել է Հայաստանի ու Ադրբեջանի միջև ռազմավարական գործարքի մասին։
«Մենք մոտ ենք խաղաղության պայմանագրի համաձայնեցմանը։ Մենք խաղաղության պայմանագրի մնացած երկու հոդվածների վերաբերյալ մեր առաջարկները, եթե չեմ սխալվում երեկ, թե երկուշաբթի օրը փոխանցել ենք Ադրբեջանին»,- Փաշինյանի ասածն է փոխանցում Yerevan.today-ը։
--
Փաշինյանը հա էլ գոհ կլինի, դրանում ո՞վ էր կասկածում, որ: Հայերն են դժգոհ, որ իրենց երկիրը ներկայացնողը թշնամու հետ անթաքույց սիլի-բիլի է անում: Ի դեպ, մեր ու մեր զավակների կյանքերի ու ապագայի հաշվին:
Հետևեք մեզ Facebook-ում