Սնուփ Դոգի հետ բանակցությունները շարունակվում են, իսկ համերգը չկայանալու դեպքում գումարը կվերադարձվի ՀՀ բյուջե. ԿԳՄՍՆ

Ամերիկացի հայտնի ռեփեր Սնուփ Դոգի երևանյան չհետաձգված համերգի նոր ամսաթիվ դեռ հայտնի չէ։ ԿԳՄՍ նախարարի տեղակալ Դանիել Դանիելյանը,  ի պատասխան Panorama.am-ի հարցման, ասել է, որ «Դոպինգ Սփեյս» ՍՊ ընկերությունը, որը հանդիսանում է կատարող կազմակերպություն, ներկայում բանակցում է  միջոցառման հստակ ժամկետների վերաբերյալ։

«Նոր տեղեկություն համերգի իրականացման ժամկետի վերաբերյալ դեռևս առկա չէ»,- մանրամասնել է Դ.Դանիելյանը։

Հարցին՝ «եթե համերգի անցկացման նոր ժամկետի շուրջ պայմանավորվածություն ձեռք չբերվի, արդյո՞ք Սնուպ Դոգին դեռևս 2023 թ. օգոստոսի 25-ին վճարված շուրջ 2.3 մլրդ դրամն ամբողջությամբ կվերադարձվի ՀՀ պետական բյուջե», Դ.Դանիելյանի պատասխանում նշված է. «Համերգի չկայանալու պարագայում ՀՀ ԿԳՄՍ նախարարության և «Դոպինգ Սփեյս» ՍՊ ընկերության միջև կնքված ՄՇԴ-335-2023 պայմանագրով սահմանված գումարը պետք է վերադարձվի ՀՀ բյուջե, ինչպես նաև պետք է ապահովվեն պայմանագրով սահմանված մյուս պահանջները»։

ԿԳՄՍ նախարարությունը ներկայացրել է նաև «Դոպինգ Սփեյս» ՍՊ ընկերության հետ կնքած պայմանագիրն ու պահանջների վերաբերյալ համաձայնագիրը։
Աղբյուր` Panorama.am