Փաշինյանը թռնելու է. անգամ ՔՊ-ն չի պատկերացնում՝ մի օրում ինչ է լինելու. Շարմազանով

«Պատկերացնո՞ւմ եք՝ պաշտոնյան արդարացնում է Ադրբեջանի կողմից Արցախի նկատմամբ զինված ագրեսիան, դա նշանակում է, որ Հայաստանի իշխանությունը դատավճիռ է կայացրել Ադրբեջանի բանտում պահվող Արցախի ռազմաքաղաքական ղեկավարության նկատմամբ Ադրբեջանի դատարանից շուտ»,- ասաց էդուարդ Շարմազանովը։

Անդրադառնալով այսօր Բաքվում մեկնարկած COP29 համաժողովին և դրան Հայաստանի իշխանության մասնակցության վերաբերյալ անորոշության պատճառներին, Շարմազանովը նշեց՝ մասնակցելո՞ւ են այդ համաժողովին, թե՞ ոչ, այս իշխանությունը չի ասում, որովհետև մի կողմից՝ Բայդենի վարչակազմն այլևս ԱՄՆ-ում անցյալ է, և ՔՊ-ական իշխանությունը զրկվել է թիկունքից, մյուս կողմից՝ կասկածում են, որ Բաքուն իրենց գերիներ կտա։

«Թրամփի հաղթանակը քաղաքական բանկրոտի է հասցրել Փաշինյանի թիմին, իհարկե, անտեր չեն մնացել, իրենց տերն Էրդողանն է, բայց մնացին անթիկունք։ ՔՊ-ն սպասում է նաև, որ եթե անգամ վերջին պահին Ադրբեջանը համաձայնի մի քանի գերի տալ, նոր գնան, որպեսզի հետ գան ու դա ներկայացնեն՝ որպես հաղթանակ։ Թող Փաշինյանը չարդարանա, թե 32 գերի է բերել՝ այս համաժողովի կայացումն Ադրբեջանին տալով, պետք է հիշել, որ 32-ն եկել են, բայց հարյուրավորներն էլ գերության մեջ են Փաշինյանի պատճառով»,– ասաց Շարմազանովը՝ միաժամանակ ընդգծելով՝ եթե կա հնարավորություն գոնե մեկ գերի բերելու, ՀՀ իշխանությունն ամեն քայլի էլ պետք է դիմի։

Ինչ վերաբերում է պաշտոնական Բաքվի կողմից COP29-ին ընդառաջ Հայաստանի հասցեին սպառնալիքների տեղատարափին, ապա, ըստ Շարմազանովի, թշնամու կողմից հռետորաբանության կոշտացումը պայմանավորված է միայն մի հանգամանքով՝ Ալիևի դիմաց կանգնած է կապիտուլացված մեկը։

«Դրա համար էինք ասում՝ չի՛ կարող կապիտուլացվածը բանակցել, չի կարող պարտված ղեկավարն արժանապատիվ կերպով ներկայացնել պետության շահ»,- խոսքը եզրափակեց ՀՀԿ ԳՄ անդամը։

Հարցազրույցի մանրամասները՝ տեսանյութում։