Բաքվի դատարանը մերժել է Ռուբեն Վարդանյանի կալանքը երկարաձգելու որոշման դեմ փաստաբանների ներկայացրած բողոքը

Բաքվի վերաքննիչ դատարանը չի բավարարել Լեռնային Ղարաբաղի Հանրապետության նախկին պետնախարար Ռուբեն Վարդանյանի կալանքը երկարացնելու որոշման դեմ բողոքը։ ՏԱՍՍ-ի փոխանցմամբ՝ այդ մասին հայտնում է ադրբեջանական Trend լրատվական գործակալությունը։

Հոկտեմբերի 18-ին Բաքվի Սաբաիլի շրջանային դատարանը որոշում է կայացրել երկարաձգել Վարդանյանի կալանքը։ Թե ինչ ժամկետով է երկարացվել կալանքը, չի նշվում։ Ինչպես հայտնում է Trend գործակալությունը, վերաքննիչ դատարանը, ուսումնասիրելով գործի հանգամանքները, մերժել է Վարդանյանի կողմից առաջին ատյանի դատարանի որոշման դեմ ներկայացված բողոքը՝ այն որակելով անհիմն։ Վարդանյանը 2024 թվականի սեպտեմբերի 27-ին ադրբեջանցի հատուկ ծառայությունները առևանգել են Բերձորի միջանցքից՝ Ղարաբաղից Հայաստան մեկնելու ժամանակ։ 2023 թվականի սեպտեմբերի 28-ին Սաբաիլի շրջանային դատարանը նրան կալանավորել է չորս ամսով։

Վարդանյանին շինչու մեղադրանք է առաջադրվել ահաբեկչության ֆինանսավորման, օրենքով չնախատեսված զինված կազմավորումների կամ խմբավորումների ստեղծման և գործունեությանը, ինչպես նաև Ադրբեջանի պետական սահմանն ապօրինի հատելու համար։ 2024 թվականի հունվարի 25-ին Վարդանյանի կալանքի տակ գտնվելու ժամկետը դատարանի որոշմամբ երկարացվել է չորս ամսով, իսկ մայիսին՝ ևս հինգ ամսով։