Դառնում եք հանցագործության մեղսակից, մտնում եք մեղքի տակ, մի՛ արեք դա․ Բագրատ սրբազան

««Քաղաքացիական պայմանագիր» խմբակցության անդամներին հորդորում եմ աչքերը բացել, տեսնել իրականությունը, ինքնաքննությամբ զբաղվել, չեմ խորշում ասելու՝ նայել իրենց ընտանիքի անդամների, իրենց զավակների, ամուսինների, կանանց աչքերին և արձանագրել, թե արդյո՞ք իրենք ճիշտ են վարվում այս կանոնակարգի վավերացմամբ»,- անդրադառնալով հայ-ադրբեջանական սահմանազատման հարցերով հանձնաժողոների կանոնակարգի վավերացմանը, ուղերձում ասաց «Սրբազան պայքար» շարժման առաջնորդ Բագրատ Սրբազանը։ «Բոլորդ դառնում եք հանցագործության մեղսակից, մտնում եք մեղքի տակ, մի՛ արեք դա, հրաժարվե՛ք»,- հայտարարեց սրբազանը։

«Այսօր հիմք է դրվում հավաքական մեղավորության։ Աշխատանքային կանոնակարգն իր բնույթով, անօրինական է։ Այն անցել է ՍԴ-ով, անցնում է ԱԺ-ով, և, այսպիսի ընթացակարգով վավերացնելով այն, մեղքի չափաբաժինը տեղափոխվում է բոլորի վրա՝ ՍԴ դատավորների, ԱԺ «Քաղաքացիական պայմանագիր» խմբակցության և անուղղակի կերպով տեղափոխելով այն մարդկանց, ժողովրդի վրա, որոնք քվեարկել են այս խմբակցության օգտին»,- նշեց Սրբազանը։

Մանրամասն՝ տեսանյութում։