Խոշոր հրդեհ Սարի Թաղի տներից մեկում. գույքն ամբողջությամբ այրվել է

Փետրվարի 4-ին, ժամը 03.05-ին ահազանգ է ստացվել, որ հրդեհ է բռնկվել Երևանի քաղաքի Սարի թաղի 5-րդ շարքի թիվ 7 տանը: Տեղեկացնում է ՀՀ ԱԻՆ մամուլի ծառայությունը:

Դեպքի վայր են մեկնել Ճգնաժամային կառավարման ազգային կենտրոնի օպերատիվ և արագ արձագանքման խմբերը, երեք մարտական հաշվարկ:

Դեպքի վայրում է գտնվել ԱԻՆ Ճգնաժամային կառավարման ազգային կենտրոնի պետ, փ/ծ գնդապետ Հ. Խանգելդյանը:

Հրդեհը մեկուսացվել է ժամը 03.39-ին, մարվել 03.51-ին:

Պարզվել է, որ հրդեհը բռնկվել է թիվ 7/2 տանը:

Այրվել են հյուրասենյակի փայտյա դուռը և պատուհանը (մոտ 3 քմ), գույքը՝ ամբողջությամբ (հեռուստացույց, բազմոց, 2 բազկաթոռ), խոհանոցի փայտյա պատուհանը (մոտ 1.5 քմ), գույքը՝ ամբողջությամբ (սառնարան, լվացքի մեքենա և այլ կենցաղային իրեր) և ննջասենյակի փայտյա դուռը (մոտ 1.5 քմ):

Ֆոտոլրագրող Գագիկ Շամշյանի  հետ զրույցում բնակիչները հայտնեցին, որ. «Եթե հրշեջները ուշ գային և ճիշտ գործողություններ չանեին, ապա կրակը կտարածվեր մյուս տների վրա, իսկ Սարի Թաղը, ողջ հանրապետությունում, գիտեն, որ մի փոքրիկ կայծի տարածւմ և տները ադիբուդիի նման ճտճտալով կվառվեին։ Գոհ ենք և հրշեջներից, և հարևաններից , ովքեր մինչև վերջ պայքարեցին կրակի տարածման ու կանխման դեմ»։ 

Լուսանկարը՝ Shamshyan.com-ի