Հրայր Թովմասյանի գործով դատարանը հրապարակում է վճիռը
Երևանի ընդհանուր իրավասության դատարանի Կենտրոն նստավայրում դատավոր Տաթևիկ Գրիգորյանի գլխավորությամբ շարունակվում է արդարադատության նախկին նախարար, ՍԴ դատավոր Հրայր Թովմասյանի գործով նիստը։
Այսօր դատարանը կհրապարակի վճիռը։ Ընթացքին կարող եք հետևել Panorama.am-ի հեռարձակմամբ: Սեպտեմբերի 18-ին դատարանը հեռացել էր խորհրդակցական սենյակ։
«Հիշեք, թե ինչ պայմաններում ենք այս գործն սկսել և ինչ պայմաններում ենք ավարտում այս գործը։ Մի բան կխնդրեմ բոլորից՝ ոչ ոք ինձ չհամարի զոհ։ Ես զոհ չեմ և այս դատավճիռն էլ իմ մասին չէ։ Ես ինչ նպատակ ունեի այս դատական պրոցեսի ընթացքում ասելու ՝ ասել եմ։ Հիմա ինչ կլինի, կրկնում եմ՝ երբ իմ անձը դնում եմ այս ամբողջի կողքն այնքան փոքր եմ ես, որ իմ «ինչ» լինելն այդքան փորձեմ մեծացնել, կարևորել։
Ու վերջում․ մեծ հաշվով, ես ասելիք չունեմ դատարանին։
Ես խնդրանք ունեմ Աստծուց․
Տեր իմ, օգնիր ինձ հաղթահարել այս փորձությունը ևս։
Օժտիր ինձ համբերատարությամբ ու խոնարհությամբ։
Խափանիր իմ երկրում բուն դրած բոլոր չար հոգիների սատանայական որոգայթները։
Տեր իմ, անվտանգ ու կանգուն պահիր Հայաստանի Հանրապետությունը, ժողով ու անփորձանք պահիր մեր ժողովրդին»,-վերջին նիստում հայտարարել էր Թովմասյանը։
Հետևեք մեզ Facebook-ում