Անդրանիկ Թևանյանի գլխավորած պատվիրակությունն այցելել է Դոնեցկի Ժողովրդական Հանրապետություն (տեսանյութ)

Ընդդիմադիր «Մայր Հայաստան» դաշինքի առաջնորդ Անդրանիկ Թևանյանը պատվիրակության հետ առաջին անգամ այցելել է Դոնեցկի Ժողովրդական Հանրապետություն, հանդիպել տեղի խորհրդարանականների հետ։ Այս մասին տեղեկացնում է ՌԻԱ Նովոստին։

«Սա աննախադեպ այց է, որովհետև մինչ այս Հայաստանից որևէ քաղաքական պատվիրակություն չի այցելել, բայց այս այցով մենք մեսիջ ենք հղում, որ Հայաստանում կան ուժեր, որոնք կողմ են հայ-ռուսական հարաբերությունների ամրապնդմանը»,-լրագրողներին ասել է Թևանյանը: Նա նաև պարզաբանել է, որ Դոնեցկի Հանրապետություն այցը կազմակերպվել է տեղի հայ համայնքի նախաձեռնությամբ և հրավերով, այն ունի ճանաչողական և հումանիտար բնույթ: Ընդունող կողմը ԴԺՀ-ի խորհրդարանի ներկայացուցիչներն են եղել։

Համատեղ խորհրդակցության ընթացքում հայկական պատվիրակության անդամները և ԴԺՀ-ի խորհրդարանականներն ընդգծել են երկու երկրների միջև հարաբերությունների զարգացումը, ինչպես նաև կարծիքներ փոխանակել Հայաստանում այնպիսի բացասական հետևանքների զարգացումը թույլ չտալու վերաբերյալ, ինչպիսին Ուկրաինայում է:

«Մեր բարեկամները հանդես են գալիս խաղաղ ապրելու և Ռուսաստանի Դաշնության հետ զարգանալու օգտին։ Վստահ եմ և կրկնեմ այն, ինչ ասում է մեր նախագահը՝ միայն Ռուսաստանի հետ կլինի կայուն զարգացում և խաղաղություն»,-հանդիպումից հետո ընդգծել է ԴԺՀ խորհրդարանի ներկայացուցիչ, «Եդինայա Ռոսիա» խմբակցության ղեկավար Վալերի Սկորոխոդովը: Հանդիպման ավարտին Հայաստանի և Դոնեցկի Ժողովրդական Հանրապետության խորհրդարանի ներկայացուցիչները փոխանակվել են նվերներով և պայմանավորվել փոխհարաբերությունների հետագա զարգացման շուրջ:

Տեսանյութն` այստեղ