Ադրբեջանում անցկացվեցին հերթական «ազատ և արդար» ընտրությունները. Վրաստանում ընտրությունը հոկտեմբերի 26-ին. տեսնենք թե ԱՄՆ-ն ինչպես կարձագանքի ...

Եվ այսպես, սեպտեմբերի 1-ին  Ադրբեջանում անցկացվեցին հերթական խորհրդարանական «ընտրությունները»:

Թեև այն արտահերթ էր, սակայն պարզ էր, որ դրանից, այս «ընտրությունների» իրական բովանդակությունը չէր փոխվելու:

Ինչպես և սպասվում էր, իշխող «Նոր Ադրբեջան» կուսակցությունը  կրկին հաղթանակ տարավ։  Քվեաթերթիկների 91 տոկոսը հաշվելուց հետո պարզ դարձավ, որ նա, ինչպես նախորդ գումարման ժամանակ, կստանա 68 պատգամավորական մանդատ՝ 125-ից։ Մնացած մանդատները, նախնական տվյալներով, կբաշխվեն նախագահին հավատարիմ մյուս ուժերի միջև։

Ինչպես միշտ, ընդդիմությունը այս խորհրդարանում, ներկայացված չի լինի:

 Ընդդիմադիր Ադրբեջանի ժողովրդական ճակատը հայտարարեց ընտրությունները բոյկոտելու մասին, իսկ  «Մուսավաթ»  կուսակցությունը 15 տարվա մեջ առաջին անգամ որոշեց մասնակցել  այս «ընտրություններին», սակայն այդպես էլ խորհրդարանում ոչ մի մանդատ չստացավ:

Դրան զուգահեռ, Ադրբեջանի ընդդիմադիր կազմակերպությունների համակարգող խորհուրդը կոչ էր  արել Եվրախորհրդարանին և ԵԽԽՎ-ին կասկածի տակ դնել հանրապետությունում անցկացված խորհրդարանական ընտրությունների օրինականությունը։ Ընդդիմությունը միաժամանակ վկայակոչեց ԵԱՀԿ/ԺՀՄԻԳ դիտորդների զեկույցը, որտեղ ասվում էր, որ «ընտրություններն անցել են սահմանափակումների մթնոլորտում, դրանք նշանավորվել են քննադատական ​​ձայների ճնշմամբ և քաղաքական այլընտրանքների բացակայությամբ», նշել է, որ այն չպետք է լեգիտիմ ընդունվի ԵՄ-ի կողմից։

Սակայն նույնիսկ այս աստիճանի տոտալ վերահսկողության պայմաններում, Ադրբեջանի բնակչությունը, փաստացի բոյկոտեց այս ընտրությունները, քանզի մասնակցության աստիճանը գրանցվեց աննախադեպ ցածր՝ 37 տոկոսի մակարդակի վրա:

Իհարկե, ԱՄՆ-ն և ԵՄ-ն չեն ճանաչի այս «ընտրությունները» լեգիտիմ, սակայն դրանից հետո ոչ մի պատժամիջոց   չի լինի:

Մինչդեռ  հոկտեմբերի 26-ին անցկացվելիք Վրաստանի խորհրդարանական ընտրությունների մասով, մենք բոլորս ականատես կլինենք, թե ինչպես է գործելու արևմտյան  քարոզչամեքենան:

Ի տարբերություն Ադրբեջանի, Վրաստանի պարագայում, եթե իշխող ուժը հաղթանակ տանի, ապա այն ոչ միայն չի ճանաչվելու օրինական, այլև պատժամիջոցներ են կիրառվելու այդ երկրի իշխանությունների նկատմամբ:

Թեև վրացական և ադրբեջանական ընտրությունները իրար հետ չի կարելի համեմատել:

Մեր ժողովուրդը ականատես կլինի արևմտյան երկերսանիությանը, ցինիզմին, և բոլորի համար պարզ կդառնա, որ նրանց արձագանքների տրամաբանությունը կապ չունի իրական դեմոկրատական արժեքների հետ:

Սա է իրականությունը:

Դավիթ Մկրտչյան
Zham.am