Ձեզ այսօր շնորհավորում են այն կապակցությամբ, որ շնորհավորանքի առիթն ու բովանդակությունը մերժելի են համարում իրենք, բայց ձեր անունից
Վլադիմիր Մարտիրոսյանը ֆեյսբուքյան էջում գրում է. «X երկրի ղեկավարը ուղերձ է հղում ժողովրդին այդ երկրի անկախության հռչակագրի տոնի կապակցությամբ, այսինքն այդ երկրի ստեղծման, ձևավորման գաղափարաբանական ու գոյաբանական հենքի արժևորման և կարևորման առիթով, որին տրված է պետական տոնի կարգավիճակ: Այդ ուղերձում X երկրի ղեկավարը հիմնահատակ կոտրում, մերժում և դավաճանում է այդ երկրի պետականության ձևավորման վերը նշված ողջ կատեգորիալ ապարատը՝ հղում անելով ոչ մի բանի վրա: Ուղղակի իր քաղաքական շահերից ելնելով ինքը որոշում է, որ անկախության ու պետականության մասին քաղաքացիների պատկերացումները և ընկալումները փոխվել են, վերջ: Այսինքն իբր փոխվել է և չկա այն ամենը, ինչի առիթով, որ այդ ղեկավարը ուղերձ է հղում և շնորհավորում իր ժողովրդին:
Չեմ անդրադառնա այն բառակազմական անմիտ կույտին մի կողմ թողնելով այդտեղ տեղ գտած հակասությունների, դատարկաբանության, սխալականության, կեղծարարության աստիճանը: Կֆիքսեմ միայն մեկ հանգամանք: Այդ X երկիրը Հայաստանն է և Ձեզ այսօր շնորհավորում են այն կապակցությամբ, որ շնորհավորանքի առիթն ու բովանդակությունը մերժելի են համարում իրենք, բայց ձեր անունից:
Միևնույն ժամանակ հռչակագրի փոխարեն, որպես երկրի գաղափարաբանական ու գոյաբանական հենք, նորից ձեր անունից և ձեզ՝ ոչ թե առաջարկում այլ դեմ են տալիս մի ինքնագիր բանաստեղծություն:
P.S. Ռուանդայից մինչև Բութան, Սոմալիից մինչև Զամբիա որևէ երկիր, որն ունի թեկուզ ցածր զարգացվածության աստիճան,կրթական ցենզ, չքավորություն և այլն թույլ չէր տա, որ իր երկրի ղեկավարը իրեն շնորհավորի այն կապակցությամբ, ինչը լիակատար մերժում է և դրա տեղը առաջարկում բանաստեղծություն»:
Հետևեք մեզ Facebook-ում