«Ահաբեկիչ Էրդողանն այս հայտարարությունով փչացրեց բռնապետ Ալիևին»․ Կարեն Հովհաննիսյան

Ռազմական փորձագետ Կարեն Հովհաննիսյանի ֆեյսբուքյան գրառումը․

«Ահաբեկիչ Էրդողանը, խոսելով Իսրայել մտնելու մասին, օրինակ է բերել Արցախ մտնելը։ Մի կողմ թողնենք Թուրքիա-Իսրայել այս լեզվակռիվը, քանի որ Իսրայելի արգործնախարարն էլ Էրդողանին հիշեցրել է Սադամ Հուսեյինի ճակատագիրը, թե ինչ եղավ Սադամի հետ, իսկ Էրդողանը նմանվում է Սադամին։ Միջազգային մասշտաբի ահաբեկիչ Էրդողանը այս հայտարարությունով նաև, այսպես ասած, փչացրեց աքլորացած բռնապետ Ալիևին։

Ալիևն անընդհատ հոխորտում է, թե ադրբեջանական բանակը հաղթեց, թե ադրբեջանի ժողովուրդը հաղթեց և այլն։ Այս հայտարարություն ևս մեկ անգամ վերահաստատում են իմ այն պնդումները, որ եթե 2020-ին Թուրքիան չխառնվեր, ապա մենք ավելի շատ տարածքներ էինք ազատագրելու։ Ալիևը որքան էլ գեղեցիկ հագցնի իր բանակին, միևնույն է ադրբեջանական բանակը կռվել չգիտի։ Անգամ իրենց զենք-զինամթերքը չէին կարողանում օգտագործել ինչպես հարկն է, դրա համար պատերազմի 3-4-րդ օրերից պաշտպանության նախարարին լիկվիդացրեցին, ԳՇ պետին լիկվիդացրեցին և ամբողջությամբ կառավարումն անցավ թուրք հրամանատարների ձեռքը։ Ովքեր էլ իրենց խնդիրը կատարում էին, ոչ թե ադրբեջանական բանակով, այլ իրենց կողմից տարածաշրջան ներմուծված սիրիացի ահաբեկիչներով։

Մեր բնակավայրերում աքլորացած շրջող բռնապետ Ալիևը իր մեքենայի մեջ ոչ թե պետք է լսի այն երգերը, որոնց տակ հորթի հրճվանք է ապրում, այլ Էրդողանի այս հայտարարությունը»։