Իսպանիան հաղթեց Անգլիային ու չորրորդ անգամ դարձավ ֆուտբոլի Եվրոպայի չեմպիոն

2024 թվականի Եվրոպայի առաջնության չեմպիոնի տիտղոսը նվաճեց Իսպանիայի հավաքականը։

Բեռլինում կայացած Եվրո-2024-ի եզրակակիչ հանդիպումը՝ Իսպանիա-Անգլիա,  ավարտվեց 2։1 հաշվով և Իսպանիան հռչակվեց Եվրոպայի չեմպիոն արդեն չորրորդ անգամ։

Իսպանացիները հաշիվ բացեցին հանդիպման երկրորդ խաղակեսին. Նիկո Ուիլյամսը  Յամալի փոխանցումից հետո դարձավ գոլի հեղինակ։ Այնուհետև անգլիացիները հավասարեցրեցին հաշիվը. գոլի հեղինակ դարձավ  Քոուլ Պալմերը։

87-րդ րոպեին Միկել Օյարսաբալի գոլը հաղթանակ պարգևեց իսպանացիներին։ 

Իսպանիան չորրորդ անգամ դարձավ Եվրոպայի չեմպիոն, իսկ Անգլիան շարունակեց մնալ անտիտղոս՝ Եվրոպայի գավաթի առումով:
Անգամ այն, որ Փաշինյանը մեկնել էր Բեռլին՝ «Օլիմպիական» մարզադաշտի տրիբունայից եզրափակիչ հանդիպմանը հետևելու, չխանգարեց, որ հաղթի այս առաջնությունում թերևս ամենագեղեցիկ խաղը ցուցադրող Իսպանիայի հավաքականը: Անգլիային ու Փաշինյանին մնաց պարտությամբ հպարտանալու պարագան: