«Կամ հատուկ մազոխիզմով եք տառապում, կամ չգիտեք՝ ո՞ր խաղի կանոնն է արդար». Նաիրա Զոհրաբյան (Տեսանյութ)
«Երբ որ անցնում էին կառավարման խորհրդարանական մոդելին, ասում էին, այն խայտառակ արատավոր ավանդույթը, որ տարվա ավարտին բոլոր կառավարությունները շըփ-թըփ բերում և նախագծերը դակում են՝ հենվելով մեծամասնության ալարելու վրա, շարունակվում է։ Հնարավորություն չեք տալիս նախագծերը մանրամասն քննարկելու»,- ԱԺ արտահերթ նիստում իր ելույթի ժամանակ դժգոհություն հայտնեց «Ծառուկյան» խմբակցության պատգամավոր Նաիրա Զոհրաբյանը։
Դիմելով ֆինանսների նախարար Վարդան Արամյանին՝ պատգամավորը ասաց. «Եթե հիշում եք, Հարկային փաթեթի քննարկման ժամանակ մեզ մեղադրում էին, որ արդար խաղի կանոններ չենք ուզում, մենք ասում էինք, որ խնդրահարույց է օրինագիծը, վիճելի է, դուք մտածում էիք, որ մենակ դուք էիք խելոք, մենակ դուք եք հասկանում։ Բա ո՞ր այդքան խելոք էիք, ինչի՞ եք բերում ուժի մեջ չմտած օրենքը, նորից փորձում խաղի կանոն փոխել։ Կամ հատուկ մազոխիզմով եք տառապում, տպավորությունն այդպիսին է, կներեք, կամ չգիտեք՝ ո՞ր խաղի կանոնն է արդար: Ուղղակի անընդունելի է բերել այսպես արագացված ռեժիմով լրջագույն նախագծեր, փաթեթներ փորձել դակել գնալ, քանի որ դահլիճում նստած մարդիկ ուղղակիորեն ձանձրանում են»:
Մանրամասները՝ Panorama.am-ի տեսանյութում
Հետևեք մեզ Facebook-ում