ԱԱԾ-ն աբսուրդային հայտարարություն է տարածել այս պահին Տավուշի մարզի Կիրանց գյուղում տեղի ունեցող խայտառակության մասին

Փաշինյանի անձնական ու խմբակային շահերն սպասարկող ԱԱԾ-ն հայտարարություն է տարածել այս պահին Տավուշի մարզի Կիրանց գյուղում ՀՀ պատգամավորների տեղաշարժի ապօրինի արգելքի հետ կապված:
Հայտարարության մեջ ասվում է. «Ազգային անվտանգության ծառայության Սահմանապահ զորքերը Տավուշի մարզի Կիրանց գյուղի հատվածում իրականացնում են Հայաստանի Հանրապետության պետական սահմանի պահպանությունը ստանձնելուն ուղղված նախապատրաստական աշխատանքներ: Ելնելով անվտանգային և օպերատիվ անհրաժեշտությունից Կիրանց բնակավայրում հաշվառում չունեցող քաղաքացիների մուտքը բնակավայր ժամանակավորապես սահմանափակվել է»։
Սա ուղղակիորեն աբսուրդ է: Հիմնական տպավորությունն այն է, որ ապօրինություն կատարելուց, մասնավորապես ՀՀ ԱԺ մի խումբ պատգամավորների տեղաշարժն արգելելուց հետո, ԱԱԾ-ն փորձում է «օրինականացնել» կատարված խայտառակությունը: 
Եթե դա այդպես չլիներ, ապա ԱԱԾ-ն առնվազն երեկ նման հայտարարություն կտարածեր՝ զգուշացնելով, որ օրինակի համար՝ Կիրանցն այսուհետև համակենտրոնացման ճամբար է, այլ ոչ թե բնակավայր, որտեղ ազատ կարող են ելումուտ ունենալ ՀՀ քաղաքացիները:
Կրկնակի աբսուրդ է, որ ԱԱԾ-ն ապահովում է հայության թշնամի թուրքերի զավթողական մուտքը հայկական տարածքներ, իսկ հայ մարդկանց սպառնալիքներով արգելում է շարժվել սեփական հողի վրա: 
Ի դեպ, ԱԺ ընդդիմադիր պատգամավորներից Ագնեսա Խամոյանը զարտուղի ճանապարհով կարողացել էր թավանցել Կիրանց և, ինչպես երևաց նրա ցուցադրած կադրերից, այնտեղ ոչ մի «անվտանգային կամ օպերատիվ անհրաժեշտության» գոնե մոտիկ բան չկար: Դժվար չէ ենթադրել, որ եղել է ընդամենը բռնապետի «տապոռ» քմահաճույք՝ ընդդիմադիր պատգամավորներին ցանկացած ապօրինության գնով չթողնել Կիրանց, իսկ ոստիկանությունն ու ԱԱԾ-ն էլ, եղած-չեղածով, նետվել են անձնվիրաբար կատարել իրենց պաշտելի, ամենակարևորը՝ իրանց պարգևավճարներով գնած բռնապետիկի կապրիզները:  
Տեսնես ո՞րն է լինելու սրանց հաջորդ քայլը, երևի հայ մարդկանց զուտ հայ լինելու համար առանց դատ-դատաստանի գնդակահարե՞լը: