Մենք պետք է հասնենք նրան, որ ինքը որևէ կերպ մեզ չներկայացնի. Բագրատ սրբազանը՝ Փաշինյանի մասին

«Մենք պետք է հասնենք նրան, որ ինքը որևէ կերպ մեզ չներկայացնի»,- Սուրբ Աննա եկեղեցու մոտ հայտարարեց Բագրատ Սրբազանը՝ ակնարկելով Նիկոլ Փաշինյանին և պարզաբանեց. «Որովհետև որտեղ ներկայարցել է խաբելը ստելը, քայքայելը, պատերազմ ավեր կորուստ ինչ ասես բերել է, վերջին դեպքն էլ այս սահմանազատման ապօրինի գործընթացը»;

Նա հայտնեց որ ստախոսը չի կարող ազատ գործի և երկիրը ներկայացնի որևէ տեղ;
Բագրատ սրբազանը շնորհավորեց ժողովրդին, որ նա այլևս անզորության թունավորումով ապրող ժողովուրդը չէ։

«Սիրելի՛ ժողովուրդ, դուք այլևս գործոն եք այս երկրում։ Այն, որ մեզ ասում էին՝ դուք ոչ մի արժեք չունեք, ո՛չ ուժ ունեք, ո՛չ ասելիք ունեք, ո՛չ անելիք ունեք, գնացեք՝ լոլոիկ վճառեք, մի կերպ յոլաա գնացեք, այդ բոլորը դուք բեկել եք հակառակը։ Այս ընդվզումը, անհամաձայնությունը նշանակում է, որ դու՛ք եք իրական գործոնը, ժողովու՛րդ ջան։ Գնահատե՛ք ինքներդ ձեզ, ինքներդ ձեր արածը գնահատե՛ք, այդ արժեքը գնահատե՛ք»,-ասաց Սրբազանը։

Նրա խոսքով շարժումը, որը Տավուշից սկիզբ է առել ու հասել է Երևան, միայն խախտել է  Նիկոլ Փաշինյանի և իր գործընկերոջ՝ Իլհամ Ալիևի ծրագիրը, այլև այն շահառու ուժերի, որոնք գտնվում են արտերկրում։

«Ժողովու՛րդ, այս պահի դրությամբ սա մեծագույն ձեռքբերում է, այն հաղթանակն է, որի վրա մենք պետք է կանգնենք ու շարունակենք մեր ճանապարհը։ Եվ դա ձե՛ր ձեռքբերածն է, ձե՛ր կատարածը»,-հայտարարեց Բագրատ Սրբազանը։

Անդրադառնալով սահմանազատման գործընթացին՝ նա ասաց, որ տեղի ունեցողը, պետական առանձնապես ծանր հանցագործություն է, որի վերաբերյալ հաղորդում է ներկայացվել Գլխավոր դատախազություն և հավելեց, որ շարժման արդյունքում այդ գործընթացը սառեցվել է։

«Հստակ է, որ շարունակվող այս հանցագործությունը կարող է կասեցվել միայն ու միայն այս պայքարով․ ուրիշ ձև ու հնարավորություն մենք չունենք։ Մենք պետք է ոչ միայն  վերջնականապես հասնենք գործընթացի, որը ես համարում եմ ծրագիր, դադարեցմանն ու կասեցմանը, այլև բուն պատճառի վերացմանը, հեռացմանը։ Մենք խաղ անելու ժամանակ չունենք, ժողովուրդ ջան»,- ասաց Սրբազանը։