Դանիայում Փաշինյանն ասել է, թե այս տարի կցանկանար դառնալ ԵՄ անդամ (կատակ)

Ոստիկանության միջոցով ժողովրդին ծվատող, հայության կենսատարածքը Ալիևին նվիրող, իր կողմնակիցների, հարյուրավոր ֆեյքերի միջոցով հայ ազգի, Հայ  Առաքելական եկեղեցու հասցեին մաղձ ու թարախ արտանետող Փաշինյանը, պարզվում է, դեռ կատակելու հավես էլ ունի:
Կոպենհագենի ժողովրդավարության գագաթնաժողովում հնչած հարցին.

- Ո՞ր թվականին կցանկանայիք, որ Հայաստանը դառնար ԵՄ անդամ:

Փաշինյանը պատասխանել է.

- Ա՛յս։

Հիշեցնենք, որ այսօր փաշինյանական ոստիկանները շարունակել են բռի դրսևորումները, ի լրումն ամենի, բռնությունների ընթացքում կոտրել են խաղաղ ցուցարարներից մեկի ոտքը: Իսկ Փաշինյանը Կոպենհագենում հայտարարել է, թե ժողովրդավարական ինստիտուտների գծով Հայաստանը ահռելի առաջընթաց է գրանցել: Առաջընթացն այս օրերին «կարմիր» բերետներով գազազած հարձակվել է հայ ժողովրդի վրա: 
Ի դեպ, Փաշինյանը Կոպենհագենում միակ բարձրաստիճան մասնակիցն էր, թերևս, ում դիմավորել են բողոքի ակցիայով ու «դավաճան» և այլ վանկարկումներով: