Փաշինյանի ու նրա Ավինյանի աննախադեպ նվաճումը. Երևանը՝ անձրևաջրերի տակ

Փաշինյանի իշխանությունը ոչ միայն կարողանում է խաղաղ հայ բնակչությանը ոստիկանական տեռորի ենթարկել, ոչ միայն հայկական տարածքներն ու դիրքերը նվիրում է հայատյաց թշնամուն ու իր գործընկեր Ալիևին, այլև, առանց որևէ «սահմանազատման», ջրասույզ է անում Երևանը: Տեղացած ամենասովորական գարնանային անձրևից հետո, մայիսի 3-ի երեկոյան ու 4-ի գիշերը մայրաքաղաքի բազմաթիվ փողոցներ ուղղակի գետերի էին վերածվել: Այն աստիճան, որ առանձին տեղերում վարարոդները լքում էին մեքենաները, որ... ջրահեղձ չլինեն: 
Սա, պետք է պաստել, Նիկոլ Փաշինյանի ու նրա քաղաքապետ, փոքրամասնորեն նշանակված Տ.Ավինյանի աննախադեպ նվաճումն է: Սա՝ միանշանակ ու աներկբա: Թե ինչի՞ վրա են ծախսվել ահռելի գումարները, որոնք հատկացվել էին Երևանի ջրահեռացման և նմանօրինակ խնդիրները լուծելու համար, անհասկանալի է, չնայած, բոլորն էլ հրաշալի հասկանում են, թե՝ հատկապես ուր են հոսել «հերոս-հարկատուների» հաշվին գոյացած այդ միջոցերը: 
Lurer.com կայքը հրապարակել է ֆեյսբուքյան օգտատերերից մեկի զետեղած կադրերը, որտեղ երևում է, թե ավտոմոբիլային անցումում ավտոմեքենաներ մնացել անձրևաջրերի տակ: Մարդը գրել է. «Երբեք չէի լսել,որ Երևանում մեքենաներ մնան անձրևաջրերի տակ: 6 տարի պետական համակարգի քանդումը տվել է իր պտուղները բոլոր բնագավառներում»:
Մենք էլ չէինք տեսել նման բան Երևանում, գոնե վերջին տասնամյակներում: Տեսանք: Որ Նիկոլ Փաշինյանը չլիներ, չէինք տեսնի: Տեսնո՞ւմ եք, թե ինչ լավ է: Համ էլ «ջրային պարեկները» պիտի՞ ինչ-որ մի տեղ պետք գան, թե՞ չէ: