Գերմանական DW՝ «Դոյչե վելլե» հանրահայտ հեռուստաալիքը «ղժժում» է Փաշինյանի վրա

Գերմանական հանրահայտ DW՝ «Դոյչե վելլե» (բառացի՝ գերմանական ալիք) հեռուստաընկերությունն «Արգելոց» խորագրի ներքո, անիմացիոն տարբերակով, անդրադառնում է միջազգային անցուդարձի ամենատարբեր, հիմնականում՝ արտաքին-քաղաքական իրադարձությունների: 
Դա քաղաքական սատիրայի յուրօրինակ դրսևորում է: Եվ ահա, վերջին թողարկումներից մեկում «Դոյչե վելլե»-ի «Արգելոցը» ևս մեկ անգամ անդրադարձել է Նիկոլ Փաշինյանին՝ ծաղրելով նրա արտաքին-քաղաքական կողմնորոշումային տվայտանքները՝ Եվրամիությո՞ւն, ՀԱՊԿ, Իրան...
Այդ կարճամետրաժ «մուլտիկն» այդպես էլ կոչվում է՝ «Հայաստանը ՀԱՊԿ-ից փախչում է ԵՄ»: 
Գերմանացիները, ի դեպ, կարծում ենք բավականին պայծառատեսական, եթե ոչ մարգարեական հագուկապով են պատկերել Նիկոլ Փաշինյանին. ֆիլմում նա բանտի կալանավորի «համազգեստով» է: 
Ըստ սցենարի՝ նա փախչում է բանտից, վստահ, որ «իր պես տղերքին» սպասում են, բայց կաբրիոլետով մոտեցած Եվրամիությունը քաղցր-մեղցր ասում է, թե հիմա չեն կարող իրեն տանել, թող մի 5 տարի սպասի: Հետո Իրանն է մոտենում՝ սկուտերով...
Հանրագումարում, Փաշինյանն էլի մագլցում է «բանտախուց», իսկ «Արգելոցի» թղթակցին էլ պատասխանում է, թե ինքը ոչ թե փախել էր ՀԱՊԿ-ից, այլ... սառեցրել իր անդամությունը: 
Դիտեք, չեք ափսոսա: 
Փաշինյանը համաշխարհային մասշտաբով ծաղրուծանակի առարկա է դարձրել Հայաստանը: Տեղին է ասել. «Ծա՛փ տվեք, արա՜...»: 
Zham.am