Նրանք, պետք է մտածեն՝ ծառայում են որովայնին, որն իրենց Աստվածն է, թե՞... Բագրատ սրբազան (տեսանյութ)

«5-րդ ալիքի» «Օրագիր» ծրագրին տված հարցազրույցում Հայ Առաքելական եկեղեցու Տավուշի թեմի հոգևոր առաջնորդ Բագրատ արքեպիսկոպոս Գալստանյանը հորդորել է, որ բոլոր Սաղմոսները կարդալու փոխարեն, ավելի լավ է, որ Փաշինյանը 50-րդ Սաղմոսը կարդա: 
Նշենք, որ այն ընդունված է նշել որպես «սաղմոս Դավթի» կամ՝ «ապաշխարության աղոթք»: Հասկանալի է, որ սրբազանը Փաշինյանին հորդորում է ապաշխարել: 
Հարցազրույցի հիմնական թեզերը.
Քրիստոնեական խաղաղությունը ներքին խաղաղության մասին է, մեր երկրում քաոս է, քո գոյությանը սպառնացող թշնամուն հանձնվելը խաղաղություն չէ:
Ես իմ ազգը լավ եմ ճանաչում, նրա ինքնությանը չի համապատասխանում նրան, ինչի մեջ այսօր ապրում ենք:
Հուդան էլ Տիրոջը մատնեց արծաթով ու խաղաղության համբույրով:
Իրենք փաստել են, որ չեն կարող պատերազմ կառավարել:
Այդ գյուղացիները 30 տարուց ավելի ապրել են սահմանագոտում, հարկ են վճարել իրենց իսկ անվտանգություը ապահովելու համար, դու գալիս, ահաբեկո՞ւմ ես:
Սա ներքին նեխման եւ փչացածության հարց է՝ չկա պատմական հայրենիք կա մեկ Հայաստան եւ մեկ հայրենիք:
Արցախը ուտելո՞վ շտկեցիք, եկել էիք, որ շտկեք:
Արթնանում է ժողովուրդը:
Ապրիլյան քառօրյայի օրերն են, որեւէ մեկի մտքին կա՞ր փախուստի, վախի, հանձնելու տրամադրություն, ի՞նչ փոխվեց:
Առաջարկի հարց կա, կծնվի այդ առաջնորդությունը:
Նրանք պետք է մտածեն՝ ծառայում են որովայնին, որն իրենց Աստվածն է, թե՞ այն Աստծուն, որը հաղթանակների, սխրանքների, մարդկային կյանքի փրկիչն է եւ ազատագրողը:
Մեղքի մեջ ընկնելը այդքան սարսափելի չէ, որքան մեղքի մեջ մնալը:
Տավուշը այս ամբողջ ընթացքում եղել է հայրենիքի դարպասներ պահող, սա Տավուշի հարց չէ, ավերակ տարածքների հարց չէ:

Մանրամասն՝ տեսանյութում: