Փաշինյանի համար Արցախի վտարանդի կառավարությունը անվտանգային սպառնալիք է, նա սպառնաց
«Լեռնային Ղարաբաղից բռնի տեղահանված որոշ շրջանակ կամա թե ակամա անում է գործողություններ և քայլեր, որոնք սպառնալիք են ստեղծում Հայաստանի անվտանգության համար։ Հայտարարում են ինչ-որ վտարանդի կառավարությունների և այլնի մասին»,- կառավարության նիստում հայտնեց Նիկոլ Փաշինյանը:
Ինչպես հաղորդում է Panorama.am-ը, նա հայտարարել է, որ ՀՀ-ում կա մի կառավարություն և այն նստած է կառավարության նիստերի դահլիճում։
«Ուզում եմ, որ մենք բոլորս այս ուղերձը շատ հստակ արձանագրենք։ Անհրաժեշտության դեպքում պետք է արվեն համապատասխան քայլեր և ձեռնարկվեն համապատասխան միջոցներ, որպեսզի նաև արտաքին ուժերը որոշ շրջանակներին Հայաստանի անվտանգության համար սպառնալիք ստեղծելու համար չօգտագործեն»,- ասաց Փաշինյանը:
Նա հայտնեց որ եթե ինչ-որ մեկը ՀՀ-ում իրեն նույնականացնում է կառավարության հետ, ապա այն ազգային անվտանգության խնդիր է և հույս հայտնեց, որ այդ մարմնի գոյությունը չի նշանակում, որ համապատասխան կառույցները թերացել են։
Հետևեք մեզ Facebook-ում