Վազգեն Սաղաթելյանը ևս երկու ամսով կալանավորվեց
Վազգեն Սաղաթելյանը ևս երկու ամսով կալանավորվեց։
Ինչպես հաղորդում է aysor.am-ը, այս մասին լրագրողների հետ զրույցում ասաց նրա պաշտպան Արսեն Բաբայանը։
«Նրան հիմա տեղափոխում են «Արմավիր» քրեակատարողական հիմնարկ։ Կստանանք դատական ակտը և կպատրաստենք համապատասխան բողոք»,-ասաց Արսեն Բաբայանը։
«Ըստ էության մենք խոսել էինք նաև այլընտրանքային խափանման միջոցների մասին, նույնիսկ եթե համարենք, որ հանցագործությունը նման է խուլիգանության, այլընտրանքային խափանման միջոցներ կան, դատարանը նույնիսկ չքննարկեց այդ հարցը»,-հայտնեց պաշտպանը։
Հիշեցնենք, որ երեկ գիշերը 2 ամսով կալանավորվեց Նարեկ Սամսոնյանը, ում փաշինյանական ոստիկանությունը ձերբակալել էր ավելի վաղ՝ նպատակաուղղված կիրառելով ակնհայտ անհամաչափ ուժ, հարձակվելով նաև կատարվողը հեռախոսով նկարահանող քաղաքացու վրա, կոպտելով ու սպառնալով հաշվեհարդար տեսնել նաև վերջինիս հետ:
Հետևեք մեզ Facebook-ում