Ստոլտենբերգի այցի նպատակը հակառուսականության ճակատը հենց Հայաստանո՞ւմ ընդլայնելն է. Ագնեսա Խամոյան

«Հայաստան» խմբակցության պատգամավոր Ագնեսա Խամոյանը ֆեյսբուքյան գրառմամբ անդրադարձել է ՆԱՏՕ-ի գլխավոր քարտուղար Ստոլտենբերգի՝ Երևանում արած հակառուսական հայտարարությանը. «Տարածաշրջանային այցով Հայաստանում գտնվող ՆԱՏՕ-ի գլխավոր քարտուղար Ստոլտենբերգը Նիկոլ Փաշինյանի հետ համատեղ ասուլիսի ժամանակ, վերջինիս լուռ հայացքի ներքո, քիչ առաջ բառացի հայտարարեց. «Մենք ողջունում ենք ձեր համերաշխությունը Ուկրաինայի հետ եւ բոլոր գործընկերներին կոչ ենք անում, որ իրենցից կախված ամեն ինչ անել, որ Պուտինը չհաղթի պատերազմում: Մարտադաշտում իրավիճակը մնում է ծանր, այս պատճառով է հենց, որ պետք է ավելացնել, ոչ թե պակասեցնել մեր աջակցությունը: Եթե Պուտինը Ուկրաինայում հաջողության հասնի, իրական ռիսկ կա, որ նրա ագրեսիան այնտեղ կանգ չի առնի»։