Փաշինյանի «ահաբեկչական» այցը Ոսկեպար

Փաշինյանը այցելել է Ոսկեպար, որտեղ դահլիճային հանդիպում է ունեցել ոսկեպարցիների հետ: Փորձառու լրագրող Ոսկան Սարգսյանը հաղորդում է, որ Ոսկեպարում Փաշինյանին «շատ սառն են ընդունել»: 
Այցի նպատակը նախքան նրա՝ ֆիզիկապես Ոսկեպարում հայտնվելն էլ պարզ էր: Փաշինյանը այնտեղ էր մեկնել, որպեսզի ոսկեպարցիներին հայտնի, որ մերձակա հայկական հողերը նվիրելու է Ալիևին: Դա էլ, հասկանալի է, այն բանի համար, որ ադրբեջանական թուրքերն այսուհետ կարողանան կոտորել Ոսկեպարի, Բաղանիսի, մերձակա մյուս հայկական գյուղերի բնակիչներին, կանանց, երեխաներին, քարուքանդ անեն պապերի գերեզմանները:
Գործնականում Փաշինյանը ստանձնել է Ալիևի խոսնակի դերը, քանի որ միակ բանը, որ նա «տվել» է հանդիպման մասնակիցներին, եղել է մարդկանց «ահ տալը»: 
Այո, Փաշինյանը, որ համարվում է ՀՀ վարչապետ, ՀՀ քաղաքացիներին՝ ոսկեպարցիներին սպառնացել է պատերազմով, եթե... հայկական տարածքները անհապաղ չտան ոխերիմ ու հայակեր թշնամուն: Մի հատ էլ կրկնենք. Հայաստանի ղեկավար համարվողը հայերին ահաբեկում է պատերազմով: Սովորաբար, հայերին պատերազմով ահաբեկում է Ալիևը: Հիմա ո՞րն է նրանց տարբերությունը: Միայն ա՞յն, որ Փաշինյանը համարվում է Հայաստանի վարչապետ: 
Ավելին, ո՞ւմ է Փաշինյանը սպառնում պատերազմով, եթե չհամաձայնեն իրենց տարածքները հանձնել թշնամուն: Սպառնում է հայ մարդկանց, որ առանց այդ էլ, արդեն ավելի քան 30 տարի ապրում են այդ պատերազմի պայմաններում: Եթե չեք մոռացել, Ոսկեպարը սահմանամերձ ու սահմանապա՛հ գյուղ է: 
Բնականաբար, հնչել է ամենից տրամաբանական հարցը. ի՞նչ երաշխիք, որ եթե այդ տարածքները հանձնեն (նվիրեն) թշնամուն, այդ դեպքում պատերազմ, թշնամական հարձակումներ, ելուզակություններ չեն լինի: Փաշինյանը, և սա առանցքային պահ է, ասել է, թե՝ երաշխիքներ չկան, բայց հույս կա, որ այս անգամ Ադրբեջանը այդպես չի վարվի: 
Էստեղ են ասել՝ իյա՜, իրո՞ք, էդ խելքի տեր քանի՞ եղբայր եք...
Չէ, դուք պատկերացնո՞ւմ եք, Փաշինյանը հույս ունի (խաբում է, իհարկե), որ ադրբեջանական հրոսակները, ավելի մոտենալով Ոսկեպարին կամ մյուս հայկական բնակավայրերին, դիրքավորվելով այդ կետերում, չեն հարձակվելու հայկական բնակավայրերի, հայ բնակիչների, հայկական դպրոցների, հայ երեխաների վրա, չեն կրակելու, չեն մորթելու, չեն սպանելու: Այն ադրբեջանական հրոսակը, որի պետականորեն հռչակված ծրագիրն ու քաղաքականությունը հայերին բնաջնջելն է, Հայաստանը զավթելը և որպես պետություն վերացնելն է: 
Թե ի՞նչ «խաղաղություն» ողորմություն կստանա Փաշինյանը, դժվար չէ կանխատեսել: Այդ «խաղաղությունը» կոչվելու է՝ «թրքացած Էրմենիստան»: Բայց որ նշված 4 կետերը հանցագործ ու հայակեր թշնամուն նվիրելուց հետո մերձակայքի հայկական գյուղերի բնակիչների կյանքն արնաթաթախ դժոխքի է վերածվելու, կարող եք դույզն-ինչ դրանում չկասկածել: Ու դրա միակ մեղավորն ու պատասխանատուն լինելու է անձամբ Նիկոլ Փաշինյանը՝ իր ՔՊ-ով հանդերձ: 
Ա.Հ. 
Zham.am