Չեմ բացառում, որ դելիմիտացիայի գործընթացը կարող է սկսվել Տավուշի մարզից․ Նիկոլ Փաշինյան. Տեսանյութ
Այսօր՝ մարտի 12-ին, մամուլի ասուլիսի ժամանակ վարչապետ Նիկոլ Փաշինյանը՝ պատասխանելով լրագրողների հարցին, Հայաստանի Հանրապետության քարտեզի մակետ է ցույց տվել և հայտարարել.
«Նախ` պետք է արձանագրենք՝ որն է Հայաստանի Հանրապետությունը և այդ արձանագրումից ելնելով մենք կարողանանք ձևակերպել, թե որտեղ, ինչպես Ադրբեջանը ունի տարածքային պահանջներ Հայաստանի Հանարապետության նկատմամբ և որտեղ է, որ հնարավոր է չունի տարածքային պահանջներ Հայաստանի Հանրապետության նկատմամբ: Նախ ուզում եմ անդրադառնալ թե որն է ՀՀ-ն: Եկեք մի պահ մի կողմ թողնենք Ադրբեջանին, այլ մեր ելակետից հանդես գանք: Ասվում է, որ ՀՀ-ն պատրաստվում է Տավուշի գյուղեր հանձնել Ադրբեջանին: Երբեք ոչ մի քննարկմանը խոսք չի եղել և խոսք չի կարող լինել Տավուշի մարզի որևէ գյուղ հանձնելու մասին»,- ասել է վարչապետը: Նա նշում է, որ ադրբեջանական մամուլում բարձրաձայնված գյուղերի անունները ՀՀ տարածքում երբեք չեն եղել: Նիկոլ Փաշինյանը նաև հայտարարեց.
«Չեմ բացառում, որ դելիմիտացիայի գործընթացը կարող է սկսվել Տավուշի մարզից։ Այս գործընթացի շուրջ որոշումներ կայացնելիս մենք պետք է ելնենք իրողությունների և իրավիճակի համապարփակ վերլուծությունից»։ Այս պահի դրությամբ որոշումներ չունենք, հայտարարեց վարչապետը։
Հետևեք մեզ Facebook-ում