Ռուսական НТВ-ն «արթնացրեց» Հայաստանի վերնախավին (Տեսանյութ)

Վերջին օրերին բոլորը խոսում են НТВ-ի հայտնի թոք-շոուի մասին , որտեղ Հայաստանին համեմատել են ոչ հավատարիմ կնոջ և նույնիսկ սիրուհու հետ, ինչը վրդովմունք է առաջացրել շատերի մոտ: Հայ լրագրողները վերջապես հետաքրքիր նյութեր կարող են պատրաստել , իսկ ազգի վերնախավը վերջապես կկարողանա ցույց տալ իր ֆունկցիոնալ արժեքը և պաշտպանի իր հոտին անպարկեշտ ռուս լրագրողներից: Ինչպիսի երջանկություն,- իսկ դուք ասում էիք , թե վերնախավը մեռել է: Կեցցե НТВ-ն , ով ռեաբիլիտացրեց մեր լրագրողներին ու արթնացրեց վերնախավին: Քանզի բացի բամբասանքային լրահոսից մենք ոչ մի այլ լուջ թեմա քննարկելու չունեինք: Ղարաբաղյան խնդրով հետաքրքրվում են ընդհամենը 3-4 հոգի, Նախիջևանի ադրբեջանական զորավարժությունները հետաքրքրում է 3-4 զինվորականի, Հայաստանի քաղաքական ապագան հետաքրքիր է 3-4 քաղաքագետի, իսկ այ НТВ-ի թոք – շոուն հետաքրքրեց բոլորին , դեռ ավելին, համախմբեց ազգին: Ինչպիսի բարձր գիտակցություն և համախմբվացություն :

Հետաքրքիր է որ այս ամենը առիթ դարձավ , որպեսզի հասկանալի դառնա , թե ով ով է մեր վերնախավում: Փորձենք ներկայացնել արձագանքների , այսպես ասաց , ողջ ներկապնակը:

Եվ այսպես մի մասը նշում են , թե սա ապտակ էր մեր երեսին , բայց խուսափում են նշել , թե ինչպես պետք է պատասխանել դրան: Մյուս մասը նշում է , թե մենք էլ մեր եթերով պիտի պատասխանենք ռուսներին, իսկ , օրինակ , դեմկուսի Արամ Սարգսյանը կարծում է ,որ Հայաստանը պաշտոնական նոտայով պետք է հանդես գա և դատապարտի НТВ-ի հաղորդման համար , որպեսզի այդ երևույթը ապագայում չկրկնվի:Իսկական հայ դեմոկրատի դիրքորոշում:

Ինչ է սա կոլեկտիվ համազգային անմեխսունակության դրսևորում է՞ , համատարած փչացածության սինդրոմ՞ , թե՞ իսկական մեր բնական հոգեվիճակ:

Անշուշտ 600 տարի պետություն չունենալը խորը ազդեցություն է թողել մեր վրա, սակայն դժվար էր պատկերացնել , որ մենք Խորհրդային Միության փլուզումից 26 տարի անց կբացահայտեինք մեր այս չափի գավառականության հատկանիշները:

26 տարի անց ԽՍՀՄ-ի ժամանակ մենք ձեռք բերեցինք իսկական ազգի հատկանիշներ, դրա համար էլ ծնվեց ղարաբաղյան շարժումը: Այդպիսի շարժում ներկա Հայաստանում ալևս երբեք չի ծնվի: Որովհետև 26 տարվա ընթացքում նորաստեղծ ազգային վերնախավի հետևողական գործողությունների արդյունքում ձևավորեց նոր հայի տեսակ , ով կարող է հետաքրքրվել բացառապես НТВ-ի թոք-շոուներով և հդկական սերիալներով , սա է իրականությունը:

Արտակ Հակոբյան