Տրանսպորտային նոր համակարգը թղթերով պատրաստ է. սակագինը կբարձրանա՞

«Ժողովուրդ» օրաթերթը գրում է.

«Երևանի փոխքաղաքապետ Վահե Նիկոյանը «Ժողովուրդ» օրաթերթի հետ զրույցում հայտնել է, թե տարեվերջին պատրաստ կլինի մայրաքաղաքի երթուղային ցանցի փաթեթը: Իսկ հաջորդ տարվա վերջից կսկսեն ներդնել այն:

Միաժամանակ, փոխքաղաքապետը չի բացառել, որ տրանսպորտի սակագինը կբարձրանա: «Թե ինչ սակագին կորոշվի, դա նույնպես օրենքով սահմանված որոշող մարմինները կորոշեն, և չի բացառվում, որ տեխնիկական սակագինն ու գործող սակագինը տարբերվեն միմյանցից: Եթե միասնական համակարգ ենք կառուցում, մենք միասնական տոմսային համակարգ ենք ունենալու, նաև ենթադրվում է, որ ունենալու ենք էլեկտրոնային տոմսային համակարգ, որովհետև փոխինտեգրված ցանցի պարագայում այլ կերպ ուղղակի հնարավոր չէ:

Կլինի միասնական սակագին, բայց սակագինը չի լինի մեկ միավոր կամ մեկ տեսակ: Կլինի տարբերակում և՛ խմբերի, և՛ տարբեր ձևաչափերի»,- ասել է նա:

Այսինքն՝ ուսանողների համար տրանսպորտը այլ սակագին կունենա, թոշակառուների համար՝ այլ, շարքային քաղաքացու համար՝ այլ, և այսպես շարունակ»:

Մանրամասները՝ օրաթերթի այսօրվա համարում