Դրանից հետո ոչ ոք չի կարող ասել՝ պարո՛ն Փաշինյան, այս հանցանքն եք գործել. Վարդան Պողոսյան (տեսանյութ)
«5-րդ ալիքի» «Օրագիր» ծրագրին տված հարցազրույցում սահմանադրագետ Վարդան Պողոսյանը մասնավորապես նկատել է. «Փաշինյանը եւ իր թիմը հասկանում են, որ մինչեւ այսօր իրենց կատարած բոլոր քայլերը՝ կապված Արցախի հիմնահարցի, ՀՀ անվտանգության հետ, եղել են հակասահմանադրական եւ դրանք որեւէ կերպ հնարավոր չէ լեգիտիմացնել: Սահմանադրությունը իրեն պարտադրել է տանել Ա քաղաքականություն, Փաշինյանը գնացել է Բ քաղաքականությամբ: Նոր Սահմանադրությունը նշանակում է նոր իրավակարգի սկիզբ, երբ ոչ ոք չի կարող վկայակոչել այսօրվա գործող Քրեական օրենսգիրքը եւ ասել՝ պարո՛ն Փաշինյան, Դուք գործել եք այս կամ այն հանցանքը:
Նոր Սահմանադրության օրակարգը լեգիտիմ չէ, գործ ունենք արտակարգ իրավիճակի հետ, երբ Սահմանադրության փոփոխությունը՝ նոր Սահմանադրության տեսքով, թելադրված է:
Եկեք համեմատենք 2018 թվականի իրավիճակը 2018 թվականից հետոյի հետ. հիմա օրակարգի խնդիր է դարձել ՀՀ ճակատագիրը:
Անկախության հռչակագրից հրաժարումը նշանակում է Երրորդ Հանրապետության լուծարում: Փաշինյանը մեզ տանում է թուրքահայաստանի»:
Նրա ըարծիքով՝ եթե քաղաքացիները բոյկոտեն հնարավոր հանրաքվեն, ըստ էության «կողմ» կքվեարկեն, ուստի կարեւոր է լինելու մասնակցության ակտիվությունը եւ «դեմ»-ը:
Հետևեք մեզ Facebook-ում