««ՀայաՔվե»-ն պարտավոր ենք հասցնել իր վերջնանպատակին». Աննա Կոստանյան
ՀՀ ԱԺ նախկին պատգամավոր Աննա Կոստանյանի ֆեյսբուքյան գրառումը․
«Քիչ հետո ՀայաՔվե քաղաքացիական օրենսդրական նախաձեռնությունը ՀՀ ԱԺ մուտք կանի օրենքի նախագիծը՝ 50.000+ ՀՀ քաղաքացիների ստորագրությունների հիմքով։ Անկախ նրանից, թե Արցախի Հանրապետությունն այս պահին ինչպիսի իրավիճակում է, տարածքը՝ հայաթափված և զավթված, այն իրավաբանորեն շարունակում է գոյություն ունենալ: ՀայաՔվեն առավել քան երբևէ պետք է գործի՝ արգելափակելու ՀՀ դե ֆակտո վարչապետի կողմից նոր կապիտուլյացիոն պայմանագիր կնքելը, որով Արցախը կարող է ճանաչվել Ադրբեջանի կազմում:
Այս պահին ՀՀ-ի անունից Արցախն Ադրբեջանի կազմում ճանաչող որևէ փաստաթուղթ չկա (և օրենսդրական իմաստով չի էլ կարող լինել)։ ՀայաՔվեն պարտավոր ենք հասցնել իր վերջնանպատակին՝ կանխելով համազգային նպատակներից այս իշխանության հրաժարումը և քրեորեն պատժելի արարք դարձնելով ՀՀ-ի անունից Արցախը որևէ այլ պետության կազմում ճանաչելն ու Հայոց ցեղասպանության նշանակությունը նսեմացնելը, դրա պահանջատիրությունից հրաժարվելը»:
Հետևեք մեզ Facebook-ում