«Ծափ տվե՛ք, արա՜...». Փաշինյանը «թատրոն է տալիս». Լոռու մարզպետին ու քաղշինկոմնախագահին գործից ազատեց (տեսանյութ)

Նախօրեին Լոռու մարզ կատարած ցուցադրական այցի ընթացքում, «Լուժկովի կեպկան» դրած, Փաշինյանը խիստ ու պահանջկոտ ղեկավարի «թատրոն էր տալիս»: Դպրոցների շինաշխատանքներին էր ծանոթանում, քթիմազություն էր անում, կախիչները քաշքշում:
Վերջում էլ, թե՝ դժգոհ եմ, չափազանց դժգոհ, լավ չեք աշխատում: Մանավանդ, որ վերջին կախիչն էլ պոկվեց, այնպես, ասես դա հենց սցենարով էր նախատեսված: 
Պարզվեց, որ ինչ-որ մեկի, իսկ միգուցե՝ մեկերի գլխին սև ամպեր են կուտակվում: Հաջորդ օրը պարզ դարձավ, թե՝ ում. Հունվարի 4-ին կառավարության որոշումներով պաշտոններից ազատվել են քաղաքաշինության կոմիտեի նախագահ Արմեն Ղուլարյանը և Լոռու մարզպետ Արամ Խաչատրյանը։ 
Երկու փաշինյանական կադր, որոնք իրենց հերթին, հատկապես Լոռու մարզպետը, բավականին մարդկանց վատություններ են արել՝ Նիկոլ Փաշինյանին իրենց անձնական նվիրվածությունն ու հավատարմությունը ցույց տալու համար: Նրանցից մեկը, ինչպես հիշում են շատերը, Փաշինյանի նախընտրական այցերի ժամանակ «մասովկային» շախ տվողներից էր, այն որ «բերովի նիկոլականներին« հրամայում են. «Ծափ տվե՛ք, արա՜...»: 
Հիմա էլ երևի իրենք «ծափ կտան»: 
Ի դեպ, Փաշինյանի կառավարության կազմում ամենից վատն, իհարկե, ինքը՝ Փաշինյանն է աշխատում, եթե կարելի է երկրի կործանումը աշխատանք համարել: Բայց նրան դեռ ոչ մեկը գործից չի ազատում: Առայժմ Փաշինյանի ռեժիմն զբաղված է ինքնակերությամբ՝ ընդդիմադիր ուժերի և հասարակության զրոյական ճնշման կամ ազդեցության պայմաններում: 

Տեսանյութը՝ panorama.am-ի
Zham.am