Ռումինիայում չեն դադարում կաշառակերների համաներման դեմ բողոքի ցույցերը (տեսանյութ)

Երրորդ օրն է Ռումինիայում չեն դադարում ցույցերը, հաղորդում է «Россия 24» հեռուստաալիքը: Բուխարեստում կառավարության շենքի դիմաց 80 հազար ցուցարար է հավաքվել: Նրանք պահանջում են չեղարկել կաշառակերության համար դատապարտված քաղծառայողների համաներումը:

Խոսքը գնում է այն դեպքերի մասին, երբ վնասի չափը յուրաքանչյուր գործով կազմում է 48 հազար դոլար: Փոփոխությունները պետք է ուժի մեջ մտնեն տաս օրից: Դրանց հեղինակները գտնում են, որ քրեակատարող հիմնարկները գերբեռնված են և ժամանակն է բեռնաթափել, սակայն քաղաքացիները մտավախություն ունեն, որ փոփոխություններն էլ ավելի կխթանեն կաշառակերների գործունեությունը: Նրանք նաև մտավախություն ունեն, որ ազատության մեջ կհայտնվեն վտանգավոր հանցագործներ: 

«Եկել եմ հայտնելու իմ անհամաձայնությունը և հիասթափությունը երկու օրենքներով: Ընդունելով դրանք, իշխանություններն իրենց պահում են ինչպես գողեր: Այդ որոշումը ժողովրդի կամքի դեմ է», - դժգոհում է ցուցարարներից մեկը:

Մանրամասները՝ «Вести.ru»-ի տեսանյութում:

Zham.am